Kiraŭnik Administracyi prezidenta Biełarusi Uładzimir Makiej pradstaviŭ siońnia pracoŭnamu kalektyvu AAT «MAZ» novaha hienieralnaha dyrektara Alaksandra Baroŭskaha.

«Rašeńnie ab źmienie kiraŭnictva pradpryjemstva dałosia niaprosta, — skazaŭ Uładzimir Makiej. — Jak by nie było kryŭdna dla raniejšaha kiraŭnictva, ale apošni čas sa strataj ekanamičnych pakazčykaŭ na MAZie hublałasia ŭpeŭnienaść, što pradpryjemstva spravicca sa składanaj situacyjaj.

I pryčyna tut nie tolki ŭ suśvietnym kryzisie».

Siońnia MAZ naraŭnie ź inšymi fłahmanami biełaruskaha mašynabudavańnia, a taksama naftapierapracoŭki zajmaje asablivaje miesca ŭ narodna‑haspadarčym kompleksie krainy i adyhryvaje važnuju rolu ŭ vytvorčaści VUP, padkreśliŭ Uładzimir Makiej. MAZ možna nazvać nacyjanalnym zdabytkam, tamu «stracić takoje pradpryjemstva raŭnacenna stracie pałkavoha ściaha», ličyć kiraŭnik Administracyi prezidenta.

Ale, na žal, apošni čas MAZ staŭ usio bolš stračvać svaje pazicyi. Pryčyna taho — nie tolki ŭ suśvietnym finansavym kryzisie,

jość adkrytyja praliki ŭ markietynhavaj palitycy pradpryjemstva, patrebna dziejsnaja tavarapravodnaja sietka. «Hałoŭnaje — niedapuščalny pamyłki ŭ kadravaj palitycy, jakija miažujuć sa złačynnaj nizkavokaściu»,

— adznačyŭ Uładzimir Makiej. Usio heta ŭ kančatkovym vyniku pryviało da straty finansavych i materyjalnych resursaŭ.

Dziejučaja ŭ raniejšym składzie dyrekcyja pradpryjemstva nie spraŭlałasia z vyrašeńniem pastaŭlenych zadač, zavod adkinuty na niekalki hadoŭ tamu, jaho treba ŭźnimać, padkreśliŭ Uładzimir Makiej. Jon dadaŭ, što MAZ — heta nie toje pradpryjemstva, stabilnaściu jakoha možna hrebavać. Jaho paśpiachovaja rabota žyćciova važna jak dla kalektyvu, tak i dla jaho sumiežnikaŭ, jakich naličvajecca na pradpryjemstvach kala 100 tys. čałaviek.

Uładzimir Makiej rastłumačyŭ, čamu na pasadu hienieralnaha dyrektara VA «BiełaŭtaMAZ» vybrany Alaksandr Baroŭski.

«Hiendyrektar MAZa — fihura pierš za ŭsio palityčnaja, zychodziačy z taho značeńnia i roli, jakija zajmaje pradpryjemstva ŭ haspadarčaj ijerarchii krainy», — adznačyŭ kiraŭnik Administracyi.

Alaksandr Baroŭski prajšoŭ dobruju škołu, budučy staršynioj kancerna «Biełnaftachim». «Ale samaje hałoŭnaje — jon maje vialiki vopyt antykryzisnaha kiravańnia: 10 hadoŭ prapracavaŭ dyrektaram Zavoda masavych šyn AAT «Biełšyna» ŭ samyja ciažkija hady i nie dapuściŭ finansavaha krachu pradpryjemstva, rejderskaha zachopu, — skazaŭ Uładzimir Makiej. — Tym, chto sumniavajecca, skažu, što vybar nie vypadkovy, Alaksandr Baroŭski naznačajecca hienieralnym mieniedžeram, a nie inžynieram i nie hienieralnym kanstruktaram, i jamu nie abaviazkova viedać, napeŭna, mietodyku raźlikaŭ nahruzki na voś aŭtamabila».

Novy hiendyrektar pryznačany «stabilizavać situacyju na pradpryjemstvie», jašče raz padkreśliŭ kiraŭnik Administracyi. Pavodle jaho słoŭ, Prezident krainy daŭ Alaksandru Baroŭskamu poŭny kart‑błanš u naviadzieńni paradku va ŭsich śfierach žyćcia pradpryjemstva, ale pry hetym paraiŭ nie vyhaniać kadry, a pazbaŭlacca tolki ad tych, chto zaplamiŭ siabie, chto nie čysty na ruku.

Jak adznačyŭ ministr pramysłovaści Biełarusi Alaksandr Radzievič, apošnim časam situacyja na MAZie ŭsio bolš tryvožyć.

Razam z tym, skazaŭ ministr, źviartajučysia da pracoŭnaha kalektyvu, «vy zachavali prybytkovuju rabotu, ale siońnia hetaha mała». Kali rynak aŭtamabilebudavańnia pahoršyŭsia u piać razoŭ, to stanovišča na MAZie — u dziesiać. «Kali my nie prymiem kardynalnych mier, MAZ moža pajści z asnoŭnych rynkaŭ», — skazaŭ Alaksandr Radzievič. Jon pryznaŭ, što ciapier kalektyŭ pradpryjemstva viadzie vialikuju rabotu pa pašyreńniu i dyviersifikacyi rynku, ale heta na siońniašni dzień nie palapšaje situacyju, nie daje tych abjomaŭ realizacyi, jakija patrabujucca, kab žyć zavodu.

Novy hiendyrektar, źviartajučysia da kalektyvu Minskaha aŭtamabilnaha zavoda, skazaŭ, što ź jaho prychodam «nijakich uzrušeńniaŭ nie budzie». «Ja čałaviek kamandy i mnie patrebna kamanda, ale kardynalnych kadravych źmien nie budzie», — adznačyŭ jon, dadaŭšy, što maje namier mienš havaryć, a bolš rabić. Pry hetym raźličvaje na dapamohu kalektyvu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?