Fota: David C. Tomlisson / Getty Images

Fota: David C. Tomlisson / Getty Images

18 ptušak na minułym tydni vypuścili ŭ dalinu voziera Vakatypu-Vajmaory, alpijskuju miascovaść vostrava Paŭdniovy Novaj Ziełandyi, na schiły, dzie ich nie było bolš za 100 hadoŭ, paviedamlaje The Guardian.

Hetyja ziemli naležać plemieni Nhaj Tachu, jakoje doŭha sudziłasia za svajo viartańnie na hetuju terytoryju. Dla pradstaŭnikoŭ plemia viartańnie ŭ dzikuju pryrodu ptušak, pobač ź jakimi žyli ich prodki, vielmi važna.

Ptuški takachie nie lotajuć, ich rost kala 50 sm, i jany žyvuć u harach.

«Śpieradu ich cieła moža vyhladać amal idealna śfieryčnym — razam ź sinie-zialonym apiareńniem jany nahadvajuć madel płaniety Ziamla, jakaja siadzić na dźviuch doŭhich jarka-čyrvonych łapach», — kaža O'Ryhan, starejšyna Nhaj Tachu.

U Novaj Ziełandyi viartańnie dzikich papulacyj takachie aznačaje pieramohu ŭ achovie pryrody.

Ptuški byli aficyjna abvieščanyja vymierłymi ŭ 1898 hodzie, ich i biez taho skaročanaja papulacyja była źniščana z pryčyny prybyćcia žyvioł-kampańjonaŭ jeŭrapiejskich pasialencaŭ: harnastajaŭ, katoŭ, tcharoŭ i pacukoŭ.

Kolkaść ptušak ciapier składaje kala 500, i štohod pavialičvajecca prykładna na 8%.

Spačatku abaroncy pryrody sabrali i štučna inkubavali jajki, kab jany nie byli źjedzieny drapiežnikami.

Kali ptušaniaty vyłuplalisia, ich karmili i vyroščvali rabočyja z dapamohaj lalek, zroblenych sa škarpetak z charakternymi dla ptušak čyrvonymi dziubami.

Paśla pierachodu na raźviadzieńnie ptušak u niavoli Departamient achovy pryrody (DOC) pastupova paznajomiŭ ich ź niekalkimi astraŭnymi zapaviednikami i nacyjanalnymi parkami, ukłaŭšy značnyja srodki ŭ adłoŭ i źniščeńnie škodnikaŭ, kab pasprabavać abaranić ptušak.

Kali tolki što vypuščanyja pary prystasujucca da svajho novaha asiarodździa, u kastryčniku 2023 płanujuć vypuścić jašče 7 ptušak, a ŭ pačatku nastupnaha hoda — 10.

Sproba stvaryć u krainie papulacyju dzikich takachie źjaŭlajecca vynikam supracoŭnictva pamiž uradam i karennym plemiem.

Hetych ptušak šanavali prodki Nhaj Tachu – ich piory źbirali i ŭplatali ŭ płaščy. Skaračeńnie kolkaści dzikich takachie supała z kanfiskacyjaj, prodažam abo kradziažom bolšaj častki ziamli plemia.

Čytajcie taksama:

U Novaj Ziełandyi pasažyraŭ buduć uzvažvać pierad pasadkaj na samalot

Samaha toŭstaha ŭ śviecie kata pasadzili na dyjetu

Make Palessie sexy again. Biełaruskaja ajcišnica z Novaj Ziełandyi raskazvaje pra havorku i zvyčai svajoj rodnaj vioski

Клас
51
Панылы сорам
0
Ха-ха
0
Ого
4
Сумна
1
Абуральна
1