Jak paviedamlaje Homielski abłasny centr hihijeny, epidemijałohii i hramadskaha zdaroŭja,

z pačatku hoda za parušeńni ŭ arhanizacyi charčavańnia dziaciej u navučalna‑vychavaŭčych ustanovach aštrafavana 322 rabotniki charčabłoka, vyniesiena 88 pastanoŭ ab prypynieńni ekspłuatacyi stałovych.

Materyjały pa faktach zanižeńnia kałaryjnaści straŭ pieradadzieny ŭ adździeły pa baraćbie z ekanamičnymi złačynstvami RAUS Mazyra, Dobrušskaha, Čačerskaha, Rahačoŭskaha i Kalinkavickaha rajonaŭ.

U chodzie pravierak u dzieviaci siarednich škołach vobłaści (Akciabrski, Rečyca, Homiel) byli vyjaŭleny parušeńni ŭ technałohii pryhatavańnia ježy. U siaredniaj škole № 2 Lelčycaŭ realizoŭvalisia zabaronienyja stravy, pryhatavanyja ŭ fryciury. U 11 ustanovach vobłaści — dziciačych sadkach, škołach i kaledžy — vyjaŭleny fakty parušeńnia ŭmoŭ i terminaŭ zachoŭvańnia praduktaŭ. Sanstancyja vyjaviła parušeńni sanitarnaha stanu charčabłokaŭ, režymu myćcia posudu, niedapracoŭki ŭ dakumientacyi, nienaležny kantrol za arhanizacyjaj charčavańnia dziaciej z boku administracyj škoł.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?