6 śniežnia kala 150 maładzionaŭ sabralisia ŭ centry Minska, kab ušanavać pamiać Viktara Coja i vykazać pratest biurakratyzmu haradskich uładaŭ, jakija zaciahvajuć vyrašeńnie pytańnia sa Ścianoj jaho pamiaci.

Paśla prahladu filma «Ihła», što prachodziŭ u adnym z staličnych kinateatraŭ, fanaty muzyki stychijna rušyli da miesca, dzie raniej znachodziłasia «Ściana Coja».

Na miescy byłoha pomnika sabrałasia bolš za 150 čałaviek. Karotkaj pramovaj jany nahadali ab chutkim 20‑hodździ sa dnia śmierci Viktara Coja, i ušanavali pamiać niadaŭna pamierłaj Valanciny Vasiljeŭny Coj — maci muzyki. U znak žałoby na drevach i aharodžy byli raźviešany sotni čornych stužak.

Taksama prysutnyja vykazali pratest biurakratyzmu, jaki voś užo bolš 400 dzion supravadžaje praces «pieranosu» Ściany z adnaho miesca na inšaje.

«Ściana moža być pieraniesiena za adzin dzień, a doŭžycca heta ŭžo bolš za hod. Čym tam zaniaty čynoŭniki?» — cikavilisia prysutnyja. Maładyja ludzi zajavili, što buduć damahacca adnaŭleńnia «Ściany Coja» ŭsimi mahčymymi srodkami.

Nahadajem, što niekalki dzion tamu u Minharvykankam byli padadzienyja 1990 podpisaŭ za ŭznaŭleńnie narodnaha miemaryjała. «Ściana Coja» — spantanny pomnik tvorčaści muzyki, źjaviŭsia ŭ Miensku ŭ 1990 hodzie paśla śmierci lidera hurtu «Kino» Viktara Coja. Ściana była źniesiena ŭ vieraśni 2008 hoda z‑za budaŭnictva hatela.

Ściana ŭjaŭlała z sabie bietonnyja plity, na jakich amatary tvorčaści muzyki pakidali hrafici i pisali vieršy. Takija pomniki isnujuć u šmatlikich haradach byłoha SSSR i źjaŭlajucca tradycyjnym miescam sustreč tvorčaj moładzi.

Hladzi jašče:
Mienskuju «ścianu Coja» niekali vykupiła mastačka z rodu Bahuševičaŭ

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?