Sprava pa č. 3 art. 339 Kryminalnaha kodeksa (asabliva złosnaje chulihanstva) raspačata ŭ dačynieńni da 40‑hadovaha žychara Babrujska, rabočaha adnaho z haradskich pradpryjemstvaŭ, jakoha raniej sudzili za kradziež.

Jak paviedamiŭ načalnik adździaleńnia infarmacyi i hramadskich suviaziaŭ UUS Mahiloŭskaha abłvykankama Raman Posachaŭ, babrujčanin padazrajecca ŭ tym, što

ŭviečary 4 śniežnia kala piacipaviarchovaha doma na vulicy Karła Marksa pryvioŭ u dziejańnie samarobnaje vybuchovaje prystasavańnie. U vyniku było paškodžana škło ŭ šaści kvaterach.

Matyvy, što prymusili mužčynu zrabić vybuch, vyśviatlajucca.

Śledča‑apieratyŭnaj hrupaj UUS Babrujskaha harvykankama ŭstanoŭlena, što zatrymany nabyŭ vybuchovaje prystasavańnie ŭ kastryčniku ŭ 21‑hadovaha kalehi pa pracy.

U dačynieńni da maładoha čałavieka raspačata sprava pa č. 2 art. 295 KK (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ). Padčas vobšuku ŭ jaho doma znojdzieny chimičnyja i miechaničnyja składniki, ź jakich možna vyrabić vybuchovaje prystasavańnie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?