Zdymak ilustracyjny. Fota: Myron Standret / vecteezy.com

Zdymak ilustracyjny. Fota: Myron Standret / vecteezy.com

Hiendyrektar tureckaj kampanii Bentour Deniz Uhur u intervju vydańniu Turizm Guncel raskazaŭ, što z-za pavyšeńnia hateljerami cen

u hetym hodzie adpačynak u Turcyi staŭ daražejšym, čym u inšych Mižziemnamorskich krainach. Na jaho dumku, na heta paŭpłyvała sistema «ŭsio ŭklučana» z prapanovaj ałkaholu — u Turcyi vysoki padatak na śpirtnyja napoi.

Turpakiety biez ałkaholu mahli b pavysić cikavaść turystaŭ da adpačynku na tureckich kurortach. U Biełarusi nie pieršy hod prapanujuć non-alcoholic all inclusive tury ŭ Turcyju. Ale hatelaŭ z takim varyjantam adpačynku niašmat, heta nišavaja prapanova.

Što prapanujuć

U Turcyi jość chalalnyja hateli, dzie ałkaholu niama ŭ pryncypie, a zona dla kupańnia ŭ basiejnach padzielenaja na mužčynskuju i žanočuju. Heta hateli, raźličanyja na turystaŭ z musulmanskich krain. Ale jość i takija, dzie možna zabraniravać pražyvańnie i charčavańnie pa standartnaj sistemie all inclusive i non-alcoholic all inclusive.

Siarod hatelaŭ, jakija pracujuć pa takoj sistemie, dla braniravańnia ź Biełarusi dastupnyja, naprykład, Grand Cortez Resort Hotel & Spa 5*, Atlas Beach 4*, Selge Beach Resort & Spa 5*, Wome Deluxe 5*, Modern Saraylar Hotel 5* i Bera Hotel Alanya 5*.

Pa źviestkach turapieratara «Aerabiełservis», jaki vystupaje ŭ roli kansalidatara čartarnych rejsaŭ u Turcyju, adpačynak na dvaich na siem načej u Ałańji ŭ hateli Grand Cortez Resort Hotel & Spa 5* pa sistemie non-alcoholic all inclusive abydziecca ŭ 1546 jeŭra z vyletam ź Minska ŭ pačatku vieraśnia. Hety ž turpakiet z ałkaholem budzie daražejšy na 40 jeŭra.

Dla paraŭnańnia — jašče adzin varyjant u Kušadasach: tur na 11 načej u hateli Sentinus 4* na dvaich pa sistemie charčavańnia biez ałkaholu z vyletam ź Minska znoŭ-taki ŭ pačatku vieraśnia budzie kaštavać tańniej na 174 jeŭra. Heta 1998 jeŭra suprać 1824.

Kiraŭnica adździeła markietynhu turapieratara «Aerabiełservis» Maryna Łavickaja raskazvaje, što taki varyjant adpačynku cikavy prychilnikam zdarovaha ładu žyćcia.

Turysty nie chočuć pierapłačvać za ałkahol, jaki ŭsio adno nie buduć užyvać padčas adpačynku. Pavodle acenak surazmoŭnicy, košt non-alcoholic all inclusive źnižaje vydatki na charčavańnie ŭ hateli na sumu da 9%.

Mieniedžarka pa prodažach turapieratara «TOP-TUR» Iryna Hančarova pry hetym adznačaje, što ciapier takija tury niepapularnyja, a pakiety sa standartnym all inclusive ŭ padobnym hateli mohuć być tańniejšyja, čym ź sistemaj charčavańnia non-alcoholic.

«U pryjarytecie ŭ turystaŭ usio ž taki košt, a nie kancepcyja hatela. Kali pražyvańnie i charčavańnie ŭ hateli takoha ž uzroŭniu sa standartnaj sistemaj «usio ŭklučana» tańniejšaje, to praściej zabraniravać hety varyjant i na miescy nie karystacca tym, čym nie chočaš.

Pradstaŭniki turbiznesu ličać, što, mahčyma, u nastupnym tursiezonie bolš hatelaŭ prapanujuć turystam sistemu non-alcoholic all inclusive. Adnak pakul takaja prapanova nie stanie masavaj, acanić realnuju cikavaść da jaje składana.

Letaś Turcyja była samym papularnym zamiežnym kirunkam dla adpačynku ŭ biełarusaŭ. Jaje naviedała bolš za 104 tysiačy biełarusaŭ. Pry hetym u mai kolkaść turystaŭ ź Biełarusi tam pavialičyłasia na 25% u paraŭnańni z anałahičnym pieryjadam 2022 hoda.

Čytajcie taksama:

Adnu z najbiadniejšych krain Jeŭropy apanavaŭ samy sapraŭdny turystyčny bum

Tannaj Turcyi bolš nie budzie? Što adbyvajecca z cenami na adpačynak?

Ad Turcyi da Maldyvaŭ. Jakija samyja darahija tury kuplajuć biełarusy ŭ hetym siezonie?

Клас
4
Панылы сорам
3
Ха-ха
6
Ого
1
Сумна
2
Абуральна
0