Kadr ź filma Leanida Hajdaja «Samahonščyki» (1961).

Kadr ź filma Leanida Hajdaja «Samahonščyki» (1961).

Navukoŭcy AAT «Biełvitunifarm», u cechach jakoha źjaviłasia pieršaja ajčynnaja supraćvirusnaja vakcyna, raspracoŭvajuć preparat suprać ałkahalizmu. Pra heta ŭ efiry «Biełaruś 1» raspavioŭ hiendyrektar pradpryjemstva Siarhiej Balšakoŭ, piša Blizko.by.

— Jana [vakcyna] patrebnaja dla taho, kab čałaviek nie psavaŭ svajoj jakaści žyćcia, užyvajučy ałkahol, — adznačyŭ jon.

Jakim čynam budzie dziejničać vakcyna i kali sydzie z kanviejera, Siarhiej Balšakoŭ nie ŭdakładniŭ.

Jon adznačyŭ, što ŭ budučyni na bazie «Biełvitunifarma» źjavicca ceły bijatechnałahičny kłastar. Heta stanie jašče adnym krokam na šlachu da pavyšeńnia efiektyŭnaści biełaruskich vakcyn i kalavakcynnych preparataŭ.

Pakul u Biełarusi razvažajuć pra pierśpiektyvy stvareńnia supraćałkaholnaj vakcyny, amierykancy ŭžo hatovyja pratestavać takija «leki».

Navukoŭcy z ZŠA stvaryli hienny preparat, zdolny adnavić u mozhu ŭzrovień dafaminu — tak zvanaha «harmonu radaści», jaki adkazvaje za ałkaholnuju zaležnaść.

Stvaralniki vakcyny ŭžo pravieryli jaje na małpach. Daśledavańni pakazali, što dla praciahłaha źnižeńnia ciahi da śpirtnoha dastatkova ŭsiaho adnoj dozy.

Čytajcie taksama:

Biełaruskuju vakcynu vyprabujuć na dobraachvotnikach

U Biełarusi zadumali stvaryć vakcynu ad hrypu

Univiersalnaja vakcyna suprać hrypu stanovicca ŭsio bolš realnaj

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?