«Lićvinizm — heta radykalnaje adhalinavańnie biełaruskaha nacyjanalizmu, adnym z asnoŭnych ideałahičnych pałažeńniaŭ jakoha źjaŭlajecca admaŭleńnie bałckaha pachodžańnia Vialikaha Kniastva Litoŭskaha i kniaskich dynastyj, što im kiravali, a taksama asprečvańnie prynaležnaści vialikaj častki terytoryi Litoŭskaj Respublicy, uklučajučy stalicu Vilniu.
Prychilniki lićvinizmu vykazvajuć terytaryjalnyja pretenzii i da inšych dziaržaŭ, što miažujuć ź Biełaruśsiu.
Lićvinisty majuć admoŭnaje staŭleńnie da maskoŭskaha i minskaha kiroŭnych režymaŭ i adprečvajuć ich aficyjny histaryčny naratyŭ, u jakim śćviardžajecca, što ruskija i biełarusy — heta «adzin narod». Praz takuju pazicyju najaktyŭniejšyja prychilniki hetaj ideałohii zaznajuć represii minskaha režymu i niaredka byvajuć zmušanyja ŭciakać u dziaržavy Jeŭrapiejskaha sajuza, siarod jakich i Litva, dzie jany ŭtvarajuć častku aktyŭnaj apazicyi.
Ideałahičnaja kanfrantacyja pamiž litoŭcami i tymi, na kaho paŭpłyvała ideałohija lićvinizmu, na biełaruskich nišavych, pryśviečanych historyi internet-resursach praciahvajecca ŭžo bolš jak dva dziesiacihodździ.
Nie zaŭvažajecca, kab u apošnija miesiacy raspaŭsiud ideałahičnych pałažeńniaŭ lićvinizmu pavialičvaŭsia značna, ale niekatoryja vyklikanyja prychilnikami ideałohii incydenty ci vykazvańni ŭ sacyjalnych sietkach vyklikali rezanans u infarmacyjnaj prastory Litvy i zaachvocili dyskusii pra ryzyku, źviazanuju ź dziejnaściu takoha charaktaru.
Pavodle acenki Departamienta dziaržaŭnaj biaśpieki, dziejnaść prychilnikaŭ ideałohii lićvinizmu na hety momant nie ŭjaŭlaje realnaj niebiaśpieki suvierenitetu Litoŭskaj Respubliki, kanstytucyjnamu ładu i terytaryjalnamu adzinstvu, ale ideałahičnyja pałažeńni, jakija jany pašyrajuć, mohuć pavialičvać mižetničnaje napružańnie ŭ dziaržavie i aktyvizujuć admoŭnaje staŭleńnie da [Litoŭskaj] dziaržavy i ŭ łajalnaj častki supolnaści biełarusaŭ u Litvie.
Departamient dziaržaŭnaj biaśpieki źbiraje infarmacyju pra pahrozy i faktary ryzyki, źviazanyja z novaj dyjasparaj biełaruskich mihrantaŭ, i va ŭstanoŭlenym zakonami paradku pieradaje jaje zakanadaŭcam.
Taksama departamient padaje rekamiendacyi dziaržaŭnym instytucyjam nakont niavydačy abo skasavańnia dazvołaŭ na pražyvańnie ŭ Litoŭskaj Respublicy asobam, što vyklikajuć pahrozu biaśpiecy dziaržavy», — havorycca ŭ pres-relizie Departamienta dziaržaŭnaj biaśpieki.
Čytajcie taksama:
Litoŭskaja ministarka zastupiłasia za biełarusaŭ: Nie varta hnać ich z krainy
Šlachta VKŁ pamiž rusinstvam i polskaściu
