Prezident Brazilii Łuis Inasiu Łuła da Siłva, prezident PAR Sirył Ramafosa i premjer-ministr Indyi Narendra Modzi biaruć udzieł u biznes-samicie BRIKS. Uładzimir Pucin chacieŭ prysutničać na sustrečach, ale prezidentu PAR Siryłu Ramafosa ŭdałosia adhavaryć jaho ad hetaha, bo toj ryzykavaŭ być aryštavanym, znachodziačysia ŭ PAR, bo Mižnarodny kryminalny sud vydaŭ ordar na jaho aryšt. Fota: Per-Anders Petterson / Getty Images.

Prezident Brazilii Łuis Inasiu Łuła da Siłva, prezident PAR Sirył Ramafosa i premjer-ministr Indyi Narendra Modzi biaruć udzieł u biznes-samicie BRIKS. Uładzimir Pucin chacieŭ prysutničać na sustrečach, ale prezidentu PAR Siryłu Ramafosa ŭdałosia adhavaryć jaho ad hetaha, bo toj ryzykavaŭ być aryštavanym, znachodziačysia ŭ PAR, bo Mižnarodny kryminalny sud vydaŭ ordar na jaho aryšt. Fota: Per-Anders Petterson / Getty Images.

«My pryniali rašeńnie zaprasić Arhiencinu, Jehipiet, Efiopiju, Iran, Saudaŭskuju Araviju i AAE stać paŭnapraŭnymi členami BRIKS», — zajaviŭ na samicie ŭ Iahaniesburhu prezident PAR Sirył Ramafosa.

Choć usie členy BRIKS publična vykazalisia za pašyreńnie błoka, pamiž lidarami paŭstała roznahałośsie z nahody taho, u jakim abjomie i jak chutka.

BRIKS (anhł. BRICS — skaračeńnie ad Brazil, Russia, India, China, South Africa) — miždziaržaŭnaje abjadnańnie, pieršapačatkova sajuz piaci dziaržaŭ: Brazilii, Rasii, Indyi, KNR, PAR.

1 studzienia 2024 hoda dałučacca zhadanyja Arhiencina, Jehipiet, Iran, AAE, Saudaŭskaja Aravija i Efiopija. Taksama majuć dałučycca Indaniezija i Turcyja.

Mierkavałasia, što BRIKS budzie sajuzam dziaržaŭ, jakija raźvivajucca, a dvuchbakovyja adnosiny pamiž krainami budujucca na asnovie nieŭmiašańnia, roŭnaści i ŭzajemnaj vyhady. Z 2009 hoda ŭrady krain BRIKS štohod sustrakajucca na aficyjnych samitach (pieradapošni 14-y samit adbyŭsia 24 červienia 2022 u KNR). Akramia samitaŭ, sustrečy prachodziać na ŭzroŭni kiraŭnikoŭ MZS, ministraŭ finansaŭ i inšych.

Čatyry ź piaci členaŭ uvachodziać u dziasiatku najbujniejšych dziaržaŭ śvietu pa kolkaści nasielnictva, pa płoščy i VUP, za vyklučeńniem PAR, jakaja zajmaje dvaccać čaćviortaje miesca pa płoščy i tryccać druhoje — pa VUP. Ahulnaja płošča krain BRIKS składaje 39 746 220 kvadratnych kiłamietraŭ, a ahulnaja kolkaść nasielnictva aceńvajecca prykładna ŭ 3,21 młrd čałaviek, što składaje kala 26,7% suśvietnaj pavierchni sušy i 41,5% nasielnictva płaniety.

Usiaho zajaŭki na ŭstupleńnie ŭ arhanizacyju padavali 23 dziaržavy. Heta Abjadnanyja Arabskija Emiraty, Ałžyr, Arhiencina, Banhładeš, Bachrejn, Balivija, Biełaruś, Vieniesueła, Vjetnam, Kuba, Handuras, Jehipiet, Indaniezija, Iran, Kazachstan, Kuviejt, Maroka, Nihieryja, Paleścina, Sieniehał, Siryja, Tajłand, Efiopija.

Клас
1
Панылы сорам
3
Ха-ха
10
Ого
1
Сумна
1
Абуральна
0