Skryn videa jutub-kanała «Rudabielskaja pakazucha»

Skryn videa jutub-kanała «Rudabielskaja pakazucha»

Razmovu błohier vykłaŭ na jutub-kanale «Rudabielskaja pakazucha».

Andrej Pavuk dazvaniŭsia da Volhi Simanavaj-Lizurčyk, jakaja ŭ 2020-m paviedamiła ŭ milicyju ab tym, što «ŭ skviery nasuprać zakinutaj sceny 20-30 čałaviek zajmajucca vandalizmam — viešajuć bieła-čyrvonyja stužki i ściahi». Błohier nazvaŭsia supracoŭnikam «Kamiteta hramadzianskaj biaśpieki» i vykazaŭ «padziaku». Ale zvanok byŭ z ananimnaha numara, i Volhu heta napružyła. Pryčynu hetaha jana patłumačyła paźniej u čas razmovy.

Błohier nie chavaŭ svajho imia i proźvišča, i surazmoŭca jaho zapisała. «Supracoŭnik Kamiteta hramadzianskaj biaśpieki» paviedamiŭ, što jaje chočuć «zaachvocić, što jana patryjot, niahledziačy na ŭsio i nasupierak usiamu». Tamu čakaje Volhu na nastupny dzień pa adrasie Pietrusia Broŭki, 14 a 9-j hadzinie ŭ kabiniet 365. Tam joj uručać dypłom i padarunak — karobku cukierak.

«Našy kalehi muzyčny numar padrychtavali. Buduć jašče žurnalisty z «Minskaj praŭdy». Jany vas sfatahrafujuć», —

dadaŭ błohier.

A surazmoŭca prapanavała, kab i jaje dačku adznačyli:

«Voś usio, što my rabili ŭ našym skviery, usio heta prybirali, hetym zajmałasia jašče i dačka. Jana voś načami abrazała, paviedamlała, voś heta rabiła. Heta jana sa svajho telefona zvaniła. Ja chacieła, dumała, jana ŭ mianie takaja dziaŭčynka, voś, patryjot.

Ciapier na aŭtaprabieh źbirajecca čarhovy raz. Jana va ŭsim hetym udzielničaje. U Pałacy Respubliki pracuje administrataram. Na ŭsich dziaržmierapryjemstvach jana pracuje ciapier. Simanava Alesia Siarhiejeŭna. Vy ciapier na jaje numar zvonicie. My prosta, moža, z roznych telefonaŭ zvanili. Jana pabajałasia brać ananimny numar».

Volha patłumačyła:

«Prosta, vy viedajecie, za toj pieryjad, nu vy ž pamiatajecie, kali ŭ internecie tam niešta pisaŭ u padtrymku, vielmi šmat zvaniła niezrazumiełych ludziej. Navat z pahrozami roznymi. I byli taksama zakrytyja numary. Tamu z taho pieryjadu, viedajecie, taki zastaŭsia trochi strach».

Surazmoŭca raspaviała, što niadaŭna jana z dačkoju byli na zakryćci II Hulniaŭ krain SND: «My sa ściaham byli ŭsiudy, fatahrafavalisia. I byli niejkija ludzi, nu, jakija z telefonami fatahrafavali. Byli žurnalisty z MUS, voś my ź imi fatahrafavalisia, i apieratary. I my ich fatahrafavali. I prosta dumaješ, nu, ci mała što, tam niejkija byli nieadekvatnyja ludzi.

Zrazumieła, što ŭsie byli pa zaprašalnych, ale niejki trochi strach. Dumaješ: voj, dzieści, niechta, kamu što treba. Dumaješ: niedzie pa tvary potym skanavali ŭ internecie. Tak? I voś ananimny zvanok, i vy takim hołasam mietaličnym. Dumaju, viedajecie, niejak dziŭna».

U kancy razmovy Andrej Pavuk zaprasiŭ abiedźviuch žančyn pryjści na nastupny dzień pa dypłomy.

Čytajcie jašče:

Sudzili rajonnaha čynoŭnika, jakoha niadaŭna pa telefonie adčytvaŭ kanał «Rudabielskaja pakazucha»

Andrej Pavuk raskazaŭ, jak pierad im vybačałasia danosčyca

49-hadovy ministr infarmacyi Piarcoŭ: Nie viedaju, dzie Zacharanka i Krasoŭski, mianie ŭ toj čas nie było na śviecie

Клас
9
Панылы сорам
33
Ха-ха
88
Ого
4
Сумна
2
Абуральна
21

Chočaš padzialicca važnaj infarmacyjaj ananimna i kanfidencyjna?