Zdymak ilustracyjny. Fota: Alexander Welscher/picture alliance via Getty Images

Zdymak ilustracyjny. Fota: Alexander Welscher/picture alliance via Getty Images

U niadzielu padčas manitorynhu situacyi na miažy ź Biełaruśsiu vajskoŭcy ŭ rajonie horada Silenie zaŭvažyli prykmiety niezakonnaha pierasiačeńnia dziaržaŭnaj miažy. U pošukach ludziej, jakija mahli trapić u Łatviju, byli zadziejničanyja słužbovyja sabaki, paviedamiŭ achoŭnik.

U Silenie byli zatrymanyja čaćviora hramadzian Konha i adzin sieniehalec. Mužčyny nie padparadkavalisia zahadam pamiežnikaŭ i ŭciakli. Kab ich spynić, pamiežniki zrabili papieradžalny streł u pavietra. Zatrymanych viarnuli ŭ Biełaruś.

Raniej u niadzielu pra situacyju paviedamiŭ kiraŭnik pamiežnaj słužby Huncis Pujats. Pavodle jaho acenki, apošnim časam mihranty stanoviacca ŭsio bolš ahresiŭnymi, nie vykonvajuć zahadaŭ pamiežnikaŭ, a pry zatrymańni sprabujuć uciačy.

Raniej pra nieabchodnaść rabić papieradžalny streł u pavietra łatvijskija pamiežniki kazali 10 žniŭnia.

Pavodle acenak łatvijskaj pamiežnaj słužby, u hety paniadziełak była adna z samych bujnych sprobaŭ niezakonnaha pierasiačeńnia miažy ź Biełarusi ŭ Łatviju za apošni čas — 107 vypadkaŭ.

Čytajcie taksama:

Polšča pra poŭnaje zakryćcio miežaŭ ź Biełaruśsiu: Heta rašeńnie jašče nie pryniataje

«Spakojna, adkazna i prahmatyčna». MZS adreahavała na zakryćcio Litvoj dvuch pamiežnych prapusknych punktaŭ

Ad 8 da 10 tysiač jeŭra. Polskija pamiežniki śćviardžajuć, što Łukašenka zarablaje na mihrantach

Клас
11
Панылы сорам
0
Ха-ха
1
Ого
2
Сумна
3
Абуральна
3