Vajennaabaviazanyja terytaryjalnaj abarony. Ilustracyjnaje fota: Ministerstva abarony

Vajennaabaviazanyja terytaryjalnaj abarony. Ilustracyjnaje fota: Ministerstva abarony

«Bajpoł» paviedamiŭ, što vučebnyja zbory terabarony buduć prachodzić u vajskovaj čaści №25888, jakaja dysłakujecca za 2 kiłamietry ad vioski Bahatyrskaja.

Na čas manieŭraŭ rasijskich najmitaŭ z «Vahniera» i biełaruskich udzielnikaŭ vučeńniaŭ majuć pasialić u miascovaj škole. Navučalny praces u joj adnoviać tolki ŭ kastryčniku.

Vučniaŭ małodšych kłasaŭ buduć vadzić u dziciačy sadok, a starejšych — vazić u Połack, jaki za try kiłamietry ad Bahatyrskaj, adznačaje «Bajpoł».

«Naša Niva» daviedałasia, što vučni małodšych kłasaŭ sapraŭdy try tydni buduć vučycca ŭ dziciačym sadku.

Pra toje było abvieščana na baćkoŭskich schodach. Usie pytańni z navučańniem u sadku musić vyrašać administracyja škoły. Sad vydzialaje tolki pamiaškańni dla kłasaŭ. 

Ale ci sapraŭdy ŭ škole pasielać vahnieraŭcaŭ? U Bahatyrskaj bazavaj škole hetu infarmacyju supracoŭnica administracyi nazvała «brachnioj». Tam zajaŭlajuć, što padrychtoŭka da navučalnaha hoda idzie ŭ štatnym režymie.

U Połackim rajvykankamie, kudy zvaniŭ miascovy žychar, na zhadku pra vahnieraŭcaŭ adreahavali niervova i zajavili, što ich zjaŭleńnie ŭ rajonie vydumka.

«Adtul vy pra heta daviedalisia? Mienš čytajcie internet!» — aburyłasia pytańniu namieśnica staršyni rajvykankama Śviatłana Valuškina.

Jana nastojvaje, što pašpart hatoŭnaści Bahatyrskaj škoły padpisany i pierapyniać navučalny praces niama nieabchodnaści.

Vahnieraŭcy instruktujuć vajskoŭcaŭ terytaryjalnaj abarony na palihonie ŭ Asipovickim rajonie. Ilustracyjnaje fota: skrynšot videa telekanała «VajenTV»

Vahnieraŭcy instruktujuć vajskoŭcaŭ terytaryjalnaj abarony na palihonie ŭ Asipovickim rajonie. Ilustracyjnaje fota: skrynšot videa telekanała «VajenTV»

Pa słovach Śviatłany Valuškinaj, vučeńni terytaryjalnaj abarony, jakija nieŭzabavie pačnucca u Połackim rajonie, byli zapłanavanyja jašče letaś.

«Siońnia na bazie Bahatyrskaj škoły i sielskaha savieta, jaki tam znachodzicca, pravodzicca sustreča ź miascovym nasielnictvam. Nijakaj nadzvyčaj situacyi ŭ nas niama. U nas usio spakojna i płanava. Situacyja nie vyklikaje turbot», — zapeŭniła čynoŭnica.

Vučebny zbor vajskovaabaviazanych terytaryjalnaj abarony pačaŭsia siońnia, 22 žniŭnia, i praciahvacca da 14 vieraśnia. Pra ŭdzieł u ich vahnieraŭcaŭ aficyjna nie paviedamlajecca.

Raniej na takich zborach rasijskija najmity ŭdzielničali instruktarami.

U Biełarusi vahnieraŭcy abasnavalisia na terytoryi byłoj vajskovaj bazy ŭ vioscy Cel Asipovickaha rajona. Kolki ich znachodzicca ŭ krainie dakładna nieviadoma. Pa acenkach «Biełaruskaha hajuna» ich moža być ad 4 da 5 tysiač.

U Biełaruś najmitaŭ pačali ssyłać paśla miaciažu ŭ Rasii. Na toje daŭ zhodu Łukašenka.

PVK «Vahnier» u niekatorych krainach śvietu ličycca terarystyčnaj arhanizacyjaj, jakaja viadomaja vajennymi złačynstvami va Ukrainie. U jaje šerahach vajujuć šmatlikija kryminalniki, jakich zavierbavali ŭ rasijskich turmach. Zafiksavanyja złačynstvy «vahnieraŭcaŭ» i ŭ inšych krainach — afrykanskich.

Hladzicie taksama:

U Biełarusi znachodzicca 4000 vahnieraŭcaŭ. Infarmacyja pra vyvaz častki bajcoŭ u Rasiju nie paćvierdziłasia — Biełaruski Hajun

«Spakojnamu žyćciu pryjšoŭ kaniec». Žychary vioski Cel raskazali pra susiedstva z vahnieraŭcami

Vahnieraŭcy navučali pad Brestam miascovych desantnikaŭ

U Asipovičach zarehistravali adukacyjnuju «Hrupu Vahniera»

Vahnieraŭcy ŭ Biełarusi — niebiaśpieka, ale jašče nie pahroza — kamandujučy Abjadnanych sił USU

«Vyhnać rasijskich vajskoŭcaŭ z našaj krainy». Cichanoŭskaja źviarnułasia da dypłamataŭ, čynoŭnikaŭ i siłavikoŭ u suviazi z padziejami ŭ Rasii

Клас
0
Панылы сорам
4
Ха-ха
5
Ого
2
Сумна
3
Абуральна
21

Chočaš padzialicca važnaj infarmacyjaj ananimna i kanfidencyjna?