Fota: sacsietki

Fota: sacsietki

Dvuchpakajoŭka ahulnaj płoščaj amal 80 kvadratnych mietraŭ pa adrasie Kirava, 51. Piacipaviarchovy dom 1958 hoda pabudovy znachodzicca pobač sa Śvisłačču, na skryžavańni vulic Kirava i Kupały.

U kvatery — niadrenny ramont, zroblena, ale nie zaćvierdžana pierapłaniroŭka — sanvuzieł z sumieščanaha zrabili raździelnym, pavialičyli płošču kalidora i pieranieśli pieraharodki, zrabili harderobnuju.

Siarod składanaściaŭ — aryšt śledčych orhanaŭ, zabarona ździajśnieńnia rehistracyjnych dziejańniaŭ sudovaha vykanaŭcy. U kvatery zarehistravany adzin niepaŭnaletni.

U abjavie ab tarhach napisana, što kvatera Viktoryi Aviarjanavaj. Jana była kiraŭnicaj kłubaŭ Madison, «Afryka» i inšych. U 2020 hodzie Viktoryju prysudzili da troch hadoŭ kałonii za ŭchileńnie ad vypłaty padatkaŭ, ale skaracili adzin hod pa amnistyi.

Fota z sajta e-auction.by

Fota z sajta e-auction.by

Viktoryja Aviarjanava — dačka biznesmiena Juryja Aviarjanava. Jon adzin ź pieršych dalaravych miljanieraŭ Biełarusi, eks-uładalnik aŭtarynku ŭ Malinaŭcy, budaŭničaha rynku va Uruččy, parka Dreamland, kłuba Madison i inšych zabaŭlalnych ustanoŭ u Miensku. U 2010-ch u biznesoŭca pačalisia prablemy praź vialikija ŭkładańni ŭ pašyreńnie «Drymłenda», a ŭ 2016 hodzie kampaniju Aviarjanava «Rastem» pryznali bankrutam. Biznesoviec źjechaŭ u Jeŭropu.

U 2017 hodzie ŭ dačynieńni da Juryja Aviarjanava i niekalkich kiraŭnikoŭ kamiercyjnych struktur raspačali kryminalnuju spravu ŭ suviazi z uchileńniem ad vypłaty padatkaŭ. Paźniej abvinavačvańnie ŭ dačynieńni da Aviarjanava pašyryli jašče i za złoŭžyvańnie słužbovymi paŭnamoctvami. Aviarjanaŭ byŭ abvieščany ŭ mižnarodny vyšuk i jaho zatrymlivali ŭ Bierlinie. Miensk damahaŭsia ekstradycyi biznesoŭca na radzimu, ale hetaha nie adbyłosia.

Pačatkovaja cana kvatery — 190 884 dalary.

Čytajcie taksama:

Pamior biznesoviec i miecenat Siarhiej Zylkoŭ. Jon padtrymlivaŭ biełaruskija inicyjatyvy

«Raźviedčyk, biznesoviec, afhaniec». Hety čałaviek budzie pradstaŭlać demakratyčnuju Biełaruś va Ukrainie

Jak 398 jeŭra pieratvarylisia ŭ 5 miljonaŭ. Sprava Apsita: kamu i čamu padyhrali rasśledavalniki? 

Клас
0
Панылы сорам
1
Ха-ха
1
Ого
3
Сумна
0
Абуральна
3