Fota: Jari Pestelacci / Eurasia Sport Images / Getty Images

Fota: Jari Pestelacci / Eurasia Sport Images / Getty Images

Były chakieist «Aryzony Kajocis» u Nacyjanalnaj chakiejnaj lizie (NCHŁ) Aleks Halčaniuk prysudžany da 30 dzion turemnaha źniavoleńnia, paviedamiŭ The Athletic.

9 lipienia amierykanski forvard byŭ zatrymany palicyjaj horada Skotsdejł, štat Aryzona. Jamu vystavili šeść abvinavačvańniaŭ: u napadzie na pryvatnuju ŭłasnaść, chulihanstvie, avaryi, niepadparadkavańni i supracivie aryštu, a taksama ŭ pahrozach palicyjantam. Chakieista spačatku zaklučyli pad aryšt, a zatym adpuścili pad padpisku ab niavyjeździe.

U paniadziełak, 21 žniŭnia, sud Skotsdejła źniaŭ z Halčaniuka piać z šaści abvinavačvańniaŭ, u tym liku abvinavačvańni ŭ chulihanstvie i supracivie aryštu. Adzin dzień z terminu źniavoleńnia spartsmienu zaličyli jak adbyty, bo jon sutki pravioŭ pad vartaj.

27 dzion buduć admienienyja paśla paśpiachovaha prachodžańnia spartsmienam prahramy lačeńnia ad ałkahalizmu i 12 miesiacaŭ biez užyvańnia ałkaholu.

Amierykanski forvard ź biełaruskimi karaniami vystupaŭ u NCHŁ za «Manreal», «Aryzonu», «Pitsburh», «Miniesotu», «Atavu», «Taronta» i «Kałarada». Na siezon-2023/24 Halčaniuk znoŭ padpisaŭ pahadnieńnie z «Aryzonaj», jakoje było skasavana praz 12 dzion paśla jaho aryštu.

Nie vyklučana, što jon praciahnie karjeru ŭ Rasii.

Čytajcie taksama:

«Halčaniuku vystaŭlena abvinavačańnie». Stała viadoma, z-za čaho syn eks-hulca zbornaj Biełarusi pazbaviŭsia kantrakta ŭ NCHŁ

Aleks Halčaniuk: Ja chacieŭ hulać tolki za ZŠA

Biełarus Aleks Halčaniuk zavajavaŭ dla ZŠA bronzu čempijanatu śvietu pa chakiei

Клас
0
Панылы сорам
3
Ха-ха
3
Ого
0
Сумна
1
Абуральна
4