Fota: Straż Graniczna

Fota: Straż Graniczna

Polšča moža zakryć usie pierachody na miažy ź Biełaruśsiu, kali zaŭvažyć ahresiŭnyja dziejańni z boku «vahnieraŭcaŭ» abo inšyja simptomy, ale pastanova jašče nie pryniataja. Pra heta zajaviŭ namieśnik ministra ŭnutranych spraŭ i administracyi Maciej Vonsik, paviedamlaje Reform.by.

«Takaja mahčymaść jość, kali my zaŭvažym jakija-niebudź simptomy z boku Biełarusi abo ahresiŭnyja dziejańni hrupy «Vahnier», to dumaju, što treba budzie heta zrabić, ale hetaja pastanova jašče nie pryniataja», — zajaviŭ Vonsik.

Pa słovach Vonsika, rašeńnie ab zakryćci miežaŭ pavinna prymacca razam ź Litvoj i Łatvijaj, kab całkam izalavać Biełaruś.

«Biełaruś — fortka dla Polščy, a Polšča dla Biełarusi — vialikaje akno. Adnak biaśpieka važniejšaja za ŭsio, važniejšaja za ekanamičnyja intaresy», — ličyć Vonsik.

Jon taksama adznačyŭ, što Biełaruś nie źjaŭlajecca niezaležnaj krainaj, bo vykonvaje ŭsie rasparadžeńni Pucina.

28 žniŭnia Polšča i krainy Bałtyi płanujuć abmierkavać miechanizm zakryćcia miažy ź Biełaruśsiu.

Čytajcie taksama:

Prezident Polščy raskazaŭ, što pavinien zrabić Minsk dla palapšeńnia adnosin z Varšavaj

«Žartaŭ nie budzie». Premjer Łatvii nazvaŭ mabilizacyju dadatkovych sił na biełaruskuju miažu papieradžalnaj akcyjaj

Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy

Клас
4
Панылы сорам
1
Ха-ха
0
Ого
2
Сумна
3
Абуральна
2