Viesłaŭ Dambroŭski. Fota: grodnensis.by

Viesłaŭ Dambroŭski. Fota: grodnensis.by

21 žniŭnia ŭ Bydhaščy (Polšča) na 87-m hodzie žyćcia i 61-m śviatarstva adyšoŭ u viečnaść ksiondz Viesłaŭ Dambroŭski. Śviatar-salezijanin šmat hadoŭ słužyŭ na terytoryi Hrodzienskaj dyjacezii, piša katalicki partał Hrodzienskaj dyjacezii.

Viesłaŭ Dambroŭski naradziŭsia 17 kastryčnika 1936 h. u Rembiertuvie (Polšča). Preźbiterskaje paśviačeńnie pryniaŭ 9 červienia 1963 h. u Londzie. Zatym słužyŭ u roznych parafijalnych supolnaściach, dzie niasuć słužeńnie salezijanie ŭ Polščy.

U 1993 h. prybyŭ u Biełaruś. U 1993—1994 hh. jon słužyŭ u parafii Biezzahannaha začaćcia Najśviaciejšaj Panny Maryi ŭ Lidzie. Z 15 listapada 1994 h. da 15 žniŭnia 2015 h. byŭ probaščam parafij Najśviaciejšaha Serca Pana Jezusa ŭ Navajelni i Božaha Cieła ŭ Dvarcy (Dziatłaŭski dekanat).

U 2015 h. viarnuŭsia ŭ Polšču, dzie da samaj śmierci słužyŭ u parafii sv. Marka ŭ Bydhaščy.

Pachavańnie adbudziecca 23 žniŭnia pry parafii sv. Marka ŭ Bydhaščy.

Čytajcie taksama:

U Hrodnie raźvitalisia ź biznesoŭcam i miecenatam Siarhiejem Zylkovym

Pamior rasijski akcior Ihar Jasułovič. Jaho prodki byli biełarusy

Pamior Viktar Karamazaŭ

Клас
0
Панылы сорам
0
Ха-ха
0
Ого
0
Сумна
19
Абуральна
2