Fota: Martin Dim / Getty Images

Fota: Martin Dim / Getty Images

Usio bolš brytancaŭ pjuć kavu zamiest harbaty — tradycyjnaha anhlijskaha napoju, pakazała daśledavańnie spažyvieckaha rynku Statista Global Consumer Survey, piša Bi-bi-si.

63% respandentaŭ skazali, što rehularna pjuć kavu, a 59% — što harbatu (praŭda, častka ź ich pje i toje, i druhoje). U apytańni ŭziali ŭdzieł 2400 čałaviek.

Pa danych Kantar, za hod da sakavika 2023 hoda supiermarkiety pradali amal udvaja bolš upakovak kavy, čym harbaty — 533 młn suprać 287 młn.

Five O'clock nie modna?

«Harbata stanovicca staramodnym napojem. Jana ŭsio jašče raspaŭsiudžana ŭ krainie, ale kubak kavy dadaje krychu bolš ekstazu», — tłumačyć vyniki daśledavańnia ekśpiert u halinie hastranomii Ejdzi Śmit.

«Va ŭžyvańni kavy značna bolš niuansaŭ. Raznastajnaść varyjantaŭ padrychtoŭki, padačy i hama smakaŭ dapamahli joj zaniać vielmi vysokaje miesca ŭ našych pieravahach. Što moža paraŭnacca z mastactvam padačy łate ŭ śviecie harbaty? Mastactva zaparki čajnaha pakiecika? Ja tak nie dumaju», — kaža Śmit.

Kavavyja hihanty, jak, naprykład, kampanija Nespresso achvotna padchapili vysnovy ekśpiertaŭ. Pa ich słovach, ludzi ŭžo daŭno nie zaprašajuć adno adnaho sustrecca za kubkam harbaty — ci to budzie siabroŭskaja, ci to dziełavaja sustreča, zvyčajna zavuć na kavu.

Adnak mnohija brytancy, jakija pakinuli kamientary na temu, upeŭnienyja, što pieravaha kavy źviazana ź jaje bolš adčuvalnym tanizavalnym efiektam, jaki tak nieabchodny va ŭmovach sučasnaha rytmu žyćcia.

Na ich dumku, apošnija danyja Statista Global Consumer Survey nijak nie pakazvajuć na krušeńnie brytanskaj tradycyi, bo ŭ centry anhlijskaha čajavańnia nie tolki i nie stolki sam napoj, ale ŭ bolšaj stupieni historyja i kulturnyja asablivaści nacyi.

Čytajcie taksama:

Hety napoj padtrymaje imunitet i dapamoža zasnuć

Toje, jak my trymajem kubak, raskryvaje asablivaści našaha charaktaru

«Nie viedaješ — nie biary, pieršaje praviła traŭnika». Jakaja na smak biełaruskaja harbata? 

Клас
3
Панылы сорам
0
Ха-ха
0
Ого
4
Сумна
1
Абуральна
1