Volha Karač zajaviła, što jaje pryznali pahrozaj nacyjanalnaj biaśpiecy Litvy 40

Pra heta kiraŭnica arhanizacyi «Naš dom» Volha Karač paviedamiła rasijskamu vydańniu «Mieduza».

Ź jaje słoŭ, litoŭskija ŭłady abhruntavali pastanovu tym, što jana brała intervju ŭ zasnavalnika ŁDPR Uładzimira Žyrynoŭskaha, a taksama ŭdzielničała ŭ kanfierencyjach u Rasii.

Volha Karač žyvie ŭ Litvie apošnija niekalki hadoŭ. Jana kiruje arhanizacyjaj «Naš dom», jakaja spačatku zajmałasia dapamohaj miascovym inicyjatyvam u Biełarusi, ale apošni čas dekłaruje antyvajennuju tematyku i dapamohu dezierciram.

Zvyčajna paśla rašeńnia ab pryznańni čałavieka «pahrozaj nacyjanalnaj biaśpiecy» ŭ Litvie jamu dajecca 14 dzion, kab pakinuć krainu.

Volha Karač da 2020 hoda była častaj hościaj u rasijskich prakramloŭskich vydańniach, u pryvatnaści, na «Lenta.ru» i «Hazieta.ru». Ad vosieni 2020 hoda jana atakavała Śviatłanu Cichanoŭskuju. Miemam stali słovy eks-siłavika Ihara Makara, što Juryj Ziankovič «pajechaŭ u Maskvu pad harantyi biaśpieki ad Volhi Karač». U Maskvie Ziankoviča aryštavali, razam z Alaksandram Fiadutam.

Karač taksama biespaśpiachova padavała zajavy ŭ pravaachoŭnyja orhany Litvy i kamisii pa etycy na niezaležnyja ŚMI. 

Čytajcie taksama:

«Možna atrymlivać hrošy pad baraćbu za pravy transhiendaraŭ, možna — suprać ich». Volha Karač — pra žyćcio ŭ Vilni, chvaroby i dachody

Chto takaja Volha Karač, jakaja choča padsiadzieć Cichanoŭskuju?

Volha Karač stvaryła novuju kaalicyju. Chto hetyja ludzi?

59

10

29

5

1

5

Nashaniva.com