Aleh Dzierypaska. Fota: Igor Russak / NurPhoto via Getty Images
«Ja damoviŭsia… ab zbory z adkrytych krynic prynižalnaj infarmacyi pra rasijskaha aliharcha Uładzimira Patanina, dziełavoha kankurenta Aleha Dzierypaski», — skazaŭ Mak-Honihał. Pavodle jaho słoŭ, sabranuju infarmacyju mahli vykarystoŭvać, kab «pasprabavać uklučyć Patanina ŭ sankcyjny śpis ZŠA».
U sudzie 55-hadovy Mak-Honihał pryznaŭ vinu ŭ zmovie z metaj parušeńnia sankcyj ZŠA suprać Dzierypaski, jaki trapiŭ pad abmiežavańni amierykanskich uład u 2018 hodzie. Jon zajaviŭ, što «hłyboka raskajvajecca» ŭ svaich dziejańniach.
Były aficer FBR zajaviŭ, što atrymaŭ 17,5 tysiačy dalaraŭ za dapamohu Dzierypasku.
Pavodle prakurora ZŠA Rebieki Deł, Mak-Honihał taksama sprabavaŭ dapamahčy Dzierypasku vyjści z sankcyjnaha śpisa i razam z saŭdzielnikami abmiarkoŭvaŭ pošuk fajłaŭ, jakija raskryvajuć schavanyja aktyvy kankurenta Dzierypaski na 500 miljonaŭ dalaraŭ.
U studzieni Miniust ZŠA paviedamiŭ, što zatrymaŭ byłoha ahienta FBR Čarlza Mak-Honihała i byłoha rasijskaha dypłamata Siarhieja Šastakova pa šerahu abvinavačańniaŭ, u tym liku ab parušeńniach sankcyj i admyvańni hrošaj. Pa viersii śledstva, u 2019 hodzie jany sprabavali dabicca admieny sankcyj u dačynieńni da Dzierypaski, a ŭ 2021 hodzie pahadzilisia pravieści rasśledavańnie ŭ dačynieńni da jaho kankurenta.
Vyniasieńnie prysudu byłomu ahientu FBR pryznačana na 14 śniežnia, jamu pahražaje da piaci hadoŭ pazbaŭleńnia voli.
Aleh Dzierypaska i Uładzimir Patanin — najbujniejšyja akcyjaniery «Narnikiela». Jany z 2008 hoda kanfliktujuć z-za kantrolu ŭ kampanii.
Čytajcie taksama:
Ukraina nacyjanalizavała miljardnyja aktyvy rasijskich aliharchaŭ
Italija zamaroziła aktyvy rasijskich aliharchaŭ na dva miljardy jeŭra
