Hleb Viatoškin

Hleb Viatoškin

Jak raskazali krynicy «Lusterka», 8 červienia prakuratura padała apielacyjny pratest na pastanovu suda. U vyniku pierahladu spravy hamialčuk byŭ asudžany na 1,5 hoda kałonii ahulnaha režymu.

Pra zatrymańnie Hleba Viatoškina pravaabaroncy daviedalisia 28 listapada 2022 hoda z praŭładnych telehram-kanałaŭ. Paviedamlałasia, što jon nibyta raspaŭsiudžvaŭ «ekstremisckija materyjały», a ŭ žniŭni 2020 hoda ŭdzielničaŭ u pratestach, abražaŭ pradstaŭnikoŭ ułady i raspalvaŭ sacyjalnuju varožaść.

Uvieś čas da suda mužčyna znachodziŭsia ŭ SIZA-3 u Homieli. Taksama paśla zatrymańnia ŭ dačynieńni da Hleba byŭ składzieny pratakoł pavodle č. 2 art. 19.11 KaAP — «Raspaŭsiud ekstremisckich materyjałaŭ».

30 maja hetaha hoda ŭ Homielskim abłasnym sudzie sudździa Alaksandr Piskunoŭ abviaściŭ prysud: abmiežavańnie voli biez nakiravańnia ŭ papraŭčuju ŭstanovu adkrytaha typu terminam na piać hadoŭ. Hleb byŭ vyzvaleny z-pad varty ŭ zale suda.

Paźniej, adnak, prakuratura padała apielacyjny pratest na pastanovu suda i, pavodle źviestak krynic «Lusterka», pieršapačatkova prasiła prysudzić hamielčuku try hady pazbaŭleńnia voli.

Sprava razhladałasia ŭ Viarchoŭnym sudzie 8 žniŭnia. Pradstaŭnik prakuratury zapytaŭ 1,5 hoda pazbaŭleńnia voli z adbyvańniem u kałonii ahulnaha režymu. Sudovaja kalehija padtrymała zapyt prakurora.

Prysud ustupiŭ u zakonnuju siłu z uniesienymi sudom źmienami. Na nastupnym tydni Hleb adpravicca adbyvać pakarańnie.

Čytajcie taksama:

Sudździa Tałačynskaha rajsuda pajšła na pavyšeńnie. Raniej jana sudziła za palityku

Anarchista Dźmitryja Duboŭskaha pieraviali na turemny režym

Palitviaźnia Alaksieja Kudasava, asudžanaha da 11-ci hadoŭ kałonii, pryznali vinavatym pa novaj kryminalnaj spravie

Клас
1
Панылы сорам
0
Ха-ха
1
Ого
1
Сумна
1
Абуральна
16