Skryn videa ź instahrama śpiavački

Skryn videa ź instahrama śpiavački

U Instagram Ryta raspaviała ab cikavym «vypadkovym supadzieńni», źviazanym z historyjaj znajomstva zakachanych i krainaj viančańnia: «Mała chto viedaje, ale my ź Fiedziem paznajomilisia ŭ 2018 hodzie ŭ balijskaj kafešcy hruzinskaj kuchni pad nazvaj «Ciflis». 

Uvažlivyja padpisčycy zaŭvažyli, što nidzie na videa nie vidać maci niaviesty. Pavodle słoŭ Dakoty, jana atrymała škvał paviedamleńniaŭ u dyrekt z pytańniem «A dzie vaša mama?».

Skryn storyz u instahramie śpiavački

Skryn storyz u instahramie śpiavački

Nahadajem, kala hoda tamu ŭ adnym z łukašysckich telehram-kanałaŭ źjaviłasia navina ab tym, što Śviatłana Hierasimovič, maci Ryty Dakoty, zatrymanaja. Z supravadžalnaha tekstu, vytrymanaha ŭ zvyčajnym dla karnych struktur chamskim i abraźlivym styli, možna było zrazumieć tolki toje, što abvinavačvałasia žančyna va ŭdziele ŭ pratesnych akcyjach i joj pahražali kryminalnaj spravaj. Dakota ŭ 2020 hodzie padtrymała pratesty i vypuściła pieśniu «Uchodi», jakuju adrasavała Łukašenku. Ale potym Ryta vydaliła trek.

Pra los maci śpiavački doŭhi čas było ničoha nie viadoma. Ciapier Ryta napisała ŭ storyz:

«Hod tamu maja mama pryniała rašeńnie nie fihuravać ni ŭ jakich sacsietkach. Heta jaje vybar. Mahčyma, adnojčy jana vierniecca i sama raskaža vam pra pryčyny, kali paličyć patrebnym.

Ja viedaju, što pytajučysia pra heta ŭ dyrekt štodnia, vy nie chacieli ničoha drennaha, a prosta lubicie našu siamju, ličycie nas usich rodnymi i pieražyvajecie. Ale vy mocna palehčycie mnie žyćcio, kali prajavicie krychu taktoŭnaści». Dakota šmatznačna dadała: «Pra mamu i nie tolki» i apublikavała spasyłku na svaju pieśniu Sat Nam.

Druhim pa papularnaści pytańniem, pavodle słoŭ Dakoty, stała: «A ci možna paviančacca druhi raz?». Reč u tym, što Ryta sapraŭdy była paviančanaja i sa svaim pieršym mužam — śpievakom Uładam Sakałoŭskim.

Fota: instahram Fiodara Biełahaja

Fota: instahram Fiodara Biełahaja

Na heta śpiavačka adkazała padrabiaźniej:

«Mnie daviałosia atrymać dabrasłavieńnie adrazu ŭ dvuch baciušak, bo ŭ adroźnieńnie ad Rasii ŭ Hruzii sapraŭdy viančać mohuć, tolki kali pieršy šlub anulavany i na heta jość dabrasłavieńnie carkvy. U maim vypadku rastavańnie ź pieršym mužam było nie z majoj viny i ja takoje dabrasłavieńnie atrymała. Dvojčy. Heta była ŭmova taho baciuški, jaki budzie nas viančać siońnia. Tamu ŭsio budzie dobra.

Darečy, heta było jašče adnoj pryčynaj na karyść šlubu ź Fiedziem. Mnie chaciełasia z kancami adździalicca ad minułaj sistemy ŭžo nie majoj siamji i stvaryć inšuju, svaju. Razumieju, što heta farmalnaść i rytuał, ale dla mianie heta było važna. Atrymać dabrasłavieńnie, anulavaŭšy minułuju cyrymoniju i stvaryŭšy svaju».

U Ryty taksama jość dačka Mija ad pieršaha šlubu (joj piać hadoŭ). Kali mierkavać pa sacsietkach, to ŭ jaje vielmi dobryja adnosiny z novym abrańnikam mamy. Sam Fiodar na svajoj staroncy ŭ Instagram piša pra sabie: «Baradaty ajčym, jaki miedytuje». 

Samo viančańnie prachodziła ŭ staražytnym chramie na viaršyni hary. Siarod haściej byli tolki samyja blizkija ludzi — mienš za 10 čałaviek. 

Čytajcie taksama:

«U ispancaŭ pryniata chutka pieravodzić znajomstva ŭ łožak». Biełaruski raskazvajuć, čym adroźnivajucca spatkańni za miažoj

Šakira znajšła sabie paru. I heta znoŭ viadomy spartoviec

Biełarus raźvioŭsia z žonkaj i raskazvaje, jak zrazumieć, kali varta razyścisia

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?