Fota: Marat Klimaŭ

Fota: Marat Klimaŭ

«My ŭžo treci hod daśledujem byłuju zaharadnuju rezidencyju połackich kniazioŭ. Hetym razam znajšli redkuju płombu-piačatku, jakaja, mahčyma, naležała adnamu z połackich kniazioŭ, a siońnia padniali častku dziciačaj kieramičnaj śviściołki z vyjavaj kupała chrama», — raskazaŭ staršy navukovy supracoŭnik Instytuta historyi NAN Biełarusi kandydat histaryčnych navuk Marat Klimaŭ.

Fota: Marat Klimaŭ

Fota: Marat Klimaŭ

Malaŭničyja piejzažy voziera Čarśćviady ŭražvajuć i siońnia, a dzieviać stahodździaŭ tamu imi lubavalisia połackija kniazi. Čatyry hady tamu heta jašče, praŭda, staviłasia pad sumnieŭ, a siońnia ŭžo vyhladaje paćvierdžanym faktam.

Fota: Marat Klimaŭ

Fota: Marat Klimaŭ

Historyki abhruntavali, što ŭ Čarśćviadach znachodziłasia zaharadnaja rezidencyja połackich kniazioŭ XII stahodździa, archieołahi vyjavili jaje frahmienty ŭ 2019-m hodzie. Dzieviać stahodździaŭ historyi padzialaŭ mietr ziamli.

Fota: Marat Klimaŭ

Fota: Marat Klimaŭ

Tady ž znajšli i pieršaje paćviardžeńnie — kieramiku XII stahodździa, frahmienty vizantyjskich amfar, kluča, hiru dla ŭzvažvańnia maniet.

Fota: Marat Klimaŭ

Fota: Marat Klimaŭ

«Važna, što tady vyjavili i knižnuju zašpilku, a knihi ŭ XII stahodździ byli tolki ŭ Połacku, ich pierapisvańniem zajmałasia sama śviataja Jeŭfrasińnia», — padkreśliŭ Marat Klimaŭ.

Fota: Marat Klimaŭ

Fota: Marat Klimaŭ

Kali archieołahi znajšli śviściołku, to vykazali zdahadku, što kali tut u pieršaj pałovie XII stahodździa była rezidencyja połackich kniazioŭ, značyć, jašče maleńkaj, da adychodu ŭ manastyr, tut napeŭna byvała Jeŭfrasińnia Połackaja, adpačyvała, lubavałasia pryrodaj. I, mahčyma, tut, na ŭłońni pryrody, jana i zadumałasia pra manastva. Taksama mahčyma, što tut stajaŭ chram sa standartnymi avalnymi kupałami.

«Viadoma, heta tolki viersija. Ciapier sprabujem rabić rekanstrukcyju, a pa viartańni z ekśpiedycyi treba budzie jašče šerah pravierak», — skazaŭ Marat Klimaŭ.

Čytajcie taksama:

U Połacku archieołahi viaduć raskopki na terytoryi stadyjona «Spartak». I ŭžo majuć kaštoŭnyja znachodki

Chto schavaŭ historyju Połackaj dziaržavy

U Kreŭskim zamku raskapali padmurak treciaj viežy

Клас
29
Панылы сорам
1
Ха-ха
1
Ого
4
Сумна
1
Абуральна
4