Kitajski pradstaŭnik Li Chuej. Fota: Russian Foreign Ministry / Handout / Anadolu Agency via Getty Images

Kitajski pradstaŭnik Li Chuej. Fota: Russian Foreign Ministry / Handout / Anadolu Agency via Getty Images

«Na zaprašeńnie Karaleŭstva Saudaŭskaja Aravija śpiecyjalny pradstaŭnik urada Kitaja pa pytańniach Jeŭrazii Li Chuej naviedaje Džydu dla ŭdziełu ŭ sustrečy nakont ukrainskaha pytańnia.

Kitaj hatovy supracoŭničać ź mižnarodnaj supolnaściu, kab praciahvać adyhryvać kanstruktyŭnuju rolu ŭ pošuku palityčnaha ŭrehulavańnia kryzisu va Ukrainie», — adznačajecca ŭ paviedamleńni kitajskaha MZS.

Pradstaŭnikoŭ Rasii na hetaj sustrečy nie budzie, ich navat nie zaprašali.

Raniej paviedamlałasia, što Jeŭrasajuz čakaje ŭdziełu pradstaŭnikoŭ kala 40 dziaržaŭ na niefarmalnaj sustrečy ŭ Saudaŭskaj Aravii ŭ kancy tydnia, dzie buduć abmiarkoŭvać šlachi dasiahnieńnia miru va Ukrainie.

Ab praviadzieńni sustrečy ŭ Saudaŭskaj Aravii ŭ Džydzie 5—6 žniŭnia spačatku paviedamiła vydańnie The Wall Street Journal, a paźniej infarmacyju paćvierdziŭ kiraŭnik Ofisa prezidenta Ukrainy Andrej Jarmak.

Ukrainskija i zachodnija aficyjnyja asoby spadziajucca, što hetyja namahańni mohuć zaviaršycca mirnym samitam u kancy hetaha hoda, na jakim suśvietnyja lidary padpišuć ahulnyja pryncypy spynieńnia vajny.

Čytajcie taksama:

Si Czińpin niečakana źmianiŭ kamandavańnie jadziernych sił Kitaja

Ukraina ŭžo na nastupnym tydni pačnie pieramovy z ZŠA adnosna harantyj biaśpieki

Saudaŭskaja Aravija i Turcyja viaduć tajemnyja pieramovy pa viartańni ŭkrainskich dziaciej z Rasii i Biełarusi — Financial Times

Клас
3
Панылы сорам
2
Ха-ха
3
Ого
0
Сумна
0
Абуральна
0