Sioleta buduć vyznačany łaŭreaty ŭ troch naminacyjach: «Paezija», «Proza» i «Mastacki pierakład».
Pieramožcaŭ premii ŭ kožnaj naminacyi čakajuć kaštoŭnyja ŭzhanarody.
Udzielničać u konkursie mohuć aŭtary debiutnych knih paezii abo prozy, a taksama pierakładčyki knih, vydadzienych u 2021 i 2022 hadach u papiarovym ci elektronnym farmacie, pry ŭmovie, što na momant publikacyi im nie spoŭniłasia 35 hadoŭ.
Pieramožcaŭ vyznačyć prafiesijnaje žury.
Kab padać zajaŭku, treba zapoŭnić formu.
Zajaŭki prymajucca da 16 žniŭnia (uklučna).
Daviedka: premija za najlepšuju debiutnuju knihu była zasnavanaja ŭ 2010 hodzie ŭ honar kłasika biełaruskaj litaratury Maksima Bahdanoviča.
***
U 2021 hodzie łaŭreatami premii «Debiut» imia Maksima Bahdanoviča stali Artur Kamaroŭski za knihu paezii «Vada pačynaje žyć», David-Aleh Lisoŭski za knihu prozy «Kniha» i Taćciana Anikiejenka za pierakład z bałharskaj movy ramana Michała Viešyma «Anhlijski susied».
Suarhanizatarami premii sioleta vystupajuć Bellvory Stiftung (Switzerland), Biełaruski PEN, Mižnarodny sajuz biełaruskich piśmieńnikaŭ.
