Adkaz Ministerstva kultury Biełarusi na zvarot pa pytańni, mahčyma, niezakonnaha vyvazu kulturnych kaštoŭnaściej byŭ apublikavany ŭ telehram-kanale «Spadčyna». 

Jak vynikaje z tekstu adkazu, Minkultury nakiravała zapyt u Ministerstva ŭnutranych spraŭ Biełarusi. MUS, u svaju čarhu, zrabiŭ zapyt u Rasijskuju Fiederacyju, dzie raźmieščany aŭkcyjonny dom «Litfond», na jakim vystaŭlalisia biełaruskija artefakty. 

Pa vyniku Hałoŭnaje ŭpraŭleńnie kryminalnaha vyšuku kryminalnaj milicyi MUS Biełarusi paviedamiła Minkultury, što vyznačyła asobu ŭładalnika relikvaryja Śviatoha Fielicyjana Pakutnika, jaki pachodzić ź Minskaj archikafiedry. Vyjaviłasia, što im źjaŭlajecca žychar Minska, jaki nabyŭ hety artefakt u 2008 hodzie na źlocie kalekcyjanieraŭ antykvaryjatu ŭ Domie kultury čyhunačnikaŭ. Na dadzieny momant relikvaryj znachodzicca ŭ jahonym domie, heta, vierahodna, aznačaje, što jon nie zmoh jaho pradać na rasijskim aŭkcyjonie.

Piaredni i advarotny bok relikvaryja z moščami Śviatoha Fielicyjana Pakutnika ź minskaha jezuickaha kaścioła, jaki vystaŭlaŭsia na prodaž. Fota: «Litfond»

Piaredni i advarotny bok relikvaryja z moščami Śviatoha Fielicyjana Pakutnika ź minskaha jezuickaha kaścioła, jaki vystaŭlaŭsia na prodaž. Fota: «Litfond»

Jak raniej adznačali śpiecyjalisty, cana amal u 20 000 jeŭra, vystaŭlenaja za hetuju frahmientarna zachavanuju kaštoŭnaść, zavyšanaja ŭłaśnikam u dziasiatki razoŭ, praz što kaštoŭnaść, vidać, i nie znajšła svajho pakupnika. Niahledziačy na drennuju zachavanaść, relikvaryj, kali jon nie źjaŭlajecca padrobkaj, maje vialikaje histaryčnaje značeńnie dla Minska, čyim zastupnikam ličyŭsia Śviaty Fielicyjan. 

Bahata azdoblenaja hraviurami i inšym knižnym dekoram Bieraściejskaja Biblija na Biełarusi pradstaŭlenaja ŭsiaho tryma asobnikami, adzin ź jakich sprabavali pradać na rasijskim aŭkcyjonie. Fota: «Litfond»

Bahata azdoblenaja hraviurami i inšym knižnym dekoram Bieraściejskaja Biblija na Biełarusi pradstaŭlenaja ŭsiaho tryma asobnikami, adzin ź jakich sprabavali pradać na rasijskim aŭkcyjonie. Fota: «Litfond»

A voś nakont kaštoŭnaj Bieraściejskaj Biblii, faktyčna treciaha asobnika na terytoryi Biełarusi, Ministerstva kultury daje nadzvyčaj mała infarmacyi ŭ raspłyvistaj farmuloŭcy, što ŭ ich adsutničaje infarmacyja ab vyvazie jaje za miežy krainy. U adroźnieńnie ad relikvaryja, u vypadku Biblii nie nazyvajecca ni ŭłaśnik hetaha asobnika, ni akaličnaści jaho nabyćcia, ni toje, dzie jon ciapier zachoŭvajecca. Praz heta možna vykazać zdahadku, što Biblija nie była vyjaŭlenaja ŭ čas pravierki i jaje ciapierašniaje miescaznachodžańnie vyznačyć nie atrymałasia.

Pa fotazdymkach Bieraściejskaj Biblii ŭ knizie «Rarytety z kalekcyi Piatra Kraŭčanki» ŭdałosia vyznačyć ułaśnika asobnika, vystaŭlenaha na aŭkcyjonie.

Pa fotazdymkach Bieraściejskaj Biblii ŭ knizie «Rarytety z kalekcyi Piatra Kraŭčanki» ŭdałosia vyznačyć ułaśnika asobnika, vystaŭlenaha na aŭkcyjonie.

Nahadajem, što nam udałosia vyśvietlić, što hety asobnik Bieraściejskaj Biblii pachodzić z pryvatnaj kalekcyi byłoha ministra zamiežnych spraŭ Piatra Kraŭčanki. U adkazie adsutničaje jakaja-niebudź bijahrafičnaja infarmacyja pra ŭładalnika relikvaryja, jakaja b dazvoliła taksama suadnieści jaho z asobaj eks-ministra. 

Adkaz Ministerstva kultury, vykładzieny ŭ telehram-kanale «Spadčyna»

Adkaz Ministerstva kultury, vykładzieny ŭ telehram-kanale «Spadčyna»

Tym nie mienš, jak paviedamlajecca ŭ adkazie, ułaśnik relikvaryja byŭ apavieščany siłavikami ab paradku pieramiaščeńnia i adčužeńnia pradmietaŭ adpraŭleńnia relihijnych kultaŭ roznych kanfiesij, jakija adnosiacca da kulturnych kaštoŭnaściej, abmiežavanych da pieramiaščeńnia. Pavodle biełaruskaha zakanadaŭstva mahčymy tolki časovy vyvaz takich rečaŭ, a dziaržava maje pryjarytet u ich vykupie. Čaścinka biełaruskaj historyi zastaniecca ŭ Biełarusi.

Čytajcie taksama: 

Bieraściejskuju Bibliju i inšyja biełaruskija kaštoŭnaści raspradaje były ministr?

Praz sto hadoŭ na rasijskim aŭkcyjonie ŭspłyła relikvija ź minskaha kafiedralnaha sabora

Parku historyi «Suła» padorać ekzemplar redkaj knihi 

Клас
5
Панылы сорам
1
Ха-ха
3
Ого
5
Сумна
1
Абуральна
4

Chočaš padzialicca važnaj infarmacyjaj ananimna i kanfidencyjna?