Palitźniavolenyja biełaruskija žurnalistki Tut.by Maryna Zołatava i Ludmiła Čekina, adlustravanyja na postary arhanizacyi «Reparciory bieź miežaŭ». Fota: RSF

Palitźniavolenyja biełaruskija žurnalistki Tut.by Maryna Zołatava i Ludmiła Čekina, adlustravanyja na postary arhanizacyi «Reparciory bieź miežaŭ». Fota: RSF

Mižnarodnaja arhanizacyja «Reparciory bieź miežaŭ» (RSF) dałučyłasia da akcyi salidarnaści ź biełaruskimi palitviaźniami-žurnalistami ŭ 12-ci krainach śvietu. Pra heta 31 lipienia arhanizacyja paviedamiła na svaim aficyjnym sajcie.

Akcyja ŭjaŭlała saboj raźmiaščeńnie partretaŭ dziasiatkaŭ zatrymanych režymam Łukašenki žurnalistaŭ kala ofisaŭ arhanizacyi. Jak adznačaje RSF, vykazvańnie salidarnaści prymierkavana da razhladu Viarchoŭnym sudom Biełarusi apielacyi fihurantaŭ pa «spravie Tut.by» Ludmiły Čekinaj i Maryny Zołatavaj. 

U akcyi paŭdzielničali štab-kvatera RSF u Paryžy, a taksama ofisy ŭ Bierlinie, Brusieli, Ženievie, Łondanie, Stakholmie, Vienie, Vašynhtonie, Tunisie, Dakary, Tajbei i Rya-de-Žaniejra.

«Žurnalistyka — heta nie złačynstva, złačynstvam jość pieraśled žurnalistaŭ. Machavik represij u dačynieńni da niezaležnych miedyja Biełarusi navat praz try hady paśla padziej 2020 hoda tolki nabiraje abaroty, a žurnalistaŭ asudžajuć na žachlivyja terminy. RSF padtrymlivaje našych partnioraŭ z Biełaruskaj asacyjacyi žurnalistaŭ i zaklikaje da nieadkładnaha vyzvaleńnia dziasiatkaŭ žurnalistaŭ u Biełarusi», — zajaviła arhanizacyja «Reparciory bieź miežaŭ». 

Nahadajem, što ŭ hety momant u biełaruskich turmach znachodzicca 36 supracoŭnikaŭ miedyja, aryštavanych za vykanańnie svaich prafiesijnych abaviazkaŭ, a taksama za niazhodu sa sfalsifikavanymi prezidenckimi vybarami, hvałtam i represijami ŭ krainie. 

U ich lik uvachodziać i redaktary «Našaj Nivy» Jahor Marcinovič i Andrej Skurko, jakija ŭtrymlivajucca za kratami z 8 lipienia 2021 hoda.

Čytajcie taksama:

Marafon «Nam nie ŭsio adno!» finišavaŭ, kančatkovaja sabranaja suma — 574 356 jeŭra

Biełaruski dyzajnier stvaryŭ telehram-napamin pra palitviaźniaŭ u krainie

Akcyju salidarnaści sa źniavolenymižurnalistami «Našaj Nivy» zładzili na paruśniku ŭ Bałtyjskim mory

Клас
2
Панылы сорам
0
Ха-ха
0
Ого
0
Сумна
1
Абуральна
0

Chočaš padzialicca važnaj infarmacyjaj ananimna i kanfidencyjna?