Jak raniej paviedamlałasia, na miescy vybuchu ŭtvaryłasia varonka hłybinioj niekalki mietraŭ. Pobač ź joj byli vyjaŭlenyja abłomki i paražalnyja elemienty, charakternyja dla rakiet sistem S-200 abo S-300. 

U rasijskim vajskovym viedamstvie śćviardžali, što rakietu nibyta zapuścili Uzbrojenyja siły Ukrainy, a ŭdar byŭ naniesieny zienitnaj rakietaj kompleksu SPA S-200, pieraabstalavanaj u atakujučy varyjant. Rakieta nibyta była źbitaja sistemami SPA, a na ziamlu ŭpali jaje abłomki.

Ad vybuchu paciarpieli prynamsi 14 čałaviek, siemiarych ź ich špitalizavali, paviedamiła rasijskaje Ministerstva achovy zdaroŭja. Epicentr vybuchu pryjšoŭsia na terytoryju Tahanrohskaha mastackaha muzieja. Paśla hetaha ŭ Tahanrohu ŭviali režym nadzvyčajnaha stanovišča, u centry horada pierakryli ruch transpartu.

Jašče adna rakieta S-200 była, pavodle rasijskaha Minabarony, źbitaja kompleksami supraćpavietranaj abarony ŭ Azoŭskim rajonie Rastoŭskaj vobłaści. Pavodle viersii viedamstva, jaje abłomki ŭpali ŭ biaźludnaj miascovaści.

Čytajcie taksama:

Adbyłasia dyviersija na naftapierapracoŭčym zavodzie ŭ Samary

Adnaŭleńnie Krymskaha mosta adkłali jašče na niekalki miesiacaŭ

Maskvu na śvitanku atakavali bieśpiłotniki: paškodžany budynak pobač ź Minabarony RF

Клас
18
Панылы сорам
0
Ха-ха
2
Ого
2
Сумна
1
Абуральна
3