Alena Patašenka. Fota sa staronki žančyny va «UKantakcie»

Alena Patašenka. Fota sa staronki žančyny va «UKantakcie»

Infarmacyju pra toje, što biełaruska zahinuła, MZS Biełarusi nazyvała papiaredniaj. Blizkija žančyny paćvierdzili, što Patašenka sapraŭdy była na borcie, ale detalaŭ nie paviedamili:

«Alena była ŭ viertalocie. Bolš danych u nas ciapier niama. Čakajem adkazu ad MZS».

Pavodle ich słoŭ, dakładnaj infarmacyi pra stan žančyny na viečar 27 lipienia im atrymać nie ŭdałosia. 28 lipienia svajačka Aleny ŭdakładniła, što ŭsio jašče nie ŭ kursie, što ź joj.

Alena Patašenka rodam z Homiela, pavodle infarmacyi telehram-kanała Mash, joj było 35 hadoŭ. U sacsietkach u žančyny paznačana miesca pracy — EPAM Belarus. Tudy jana pryjšła ŭ 2014 hodzie.

Alena skončyła Homielski dziaržaŭny ŭniviersitet imia Francyska Skaryny, pryčym nie adzin raz: atrymała dypłom na ekanamičnym fakultecie i fakultecie kiravańnia. Miarkujučy z sacsietak, jana viała aktyŭny ład žyćcia, šmat padarožničała pa Biełarusi i nie tolki.

Pajezdka na Ałtaj miełasia stać častkaj adpačynku Aleny: jak raspaviali kalehi, žančyna była ŭ adpačynku da 2 žniŭnia.

Nahadajem, na terytoryi rasijskaj Respubliki Ałtaj dniom u čaćvier, 27 lipienia, paciarpieŭ krušeńnie viertalot Mi-8 z udzielnikami sustrečy ezaterykaŭ na borcie. Šeść čałaviek pamierli. Jašče siamiora paciarpieli, ź ich troje ŭ ciažkim stanie z apiokami 90% cieła, u astatnich taksama apioki. 

Čytajcie taksama:

Pad Mahilovam elektramanciora naśmierć prycisnuła bietonnaj plitoj

Piensijanierka pa ŭkazańni telefonnych machlaroŭ pieradała im hrošy i padpaliła dva aŭtamabili

Biełaruskija kantrabandysty schavali cyharety pad vuhal

Клас
4
Панылы сорам
5
Ха-ха
4
Ого
5
Сумна
35
Абуральна
11