U sudzie byŭ ahučany źmiest pratakoła ab administracyjnym pravaparušeńni, składzieny ŭ miascovym adździaleńni ŭ milicyi, u jakim «pravaparušalnik» raspavioŭ pra toje, što jon uviesnu 2023 hoda vyrabiŭ ulotki z vyjavaj prezidenta Rasii Uładzimira Pucina i tekstam antyvajennaha charaktaru, i 16 traŭnia raskleiŭ ich na prypynku hramadskaha transpartu ŭ Navapołacku.

Tym samym, na dumku sudździ Bałabołavaj, Ilja Dvojryn biez adpaviednaha dazvołu Navapołackaha harvykankama pravioŭ «niesankcyjanavanaje pikietavańnie, vykazvajučy hramadska-palityčnyja, asabistyja i inšyja intaresy, šlacham raźmiaščeńnia ŭlotki z vyjavaj Prezidenta Rasijskaj Fiederacyi Pucina U. U. i tekstam na palityčnuju tematyku».

Tamu na padstavie č. 1 art. 24.23 KaAP Bałabołava prysudziła Dvojryna da administracyjnaha spahnańnia ŭ vyhladzie aryštu terminam na piatnaccać sutak, a termin adbyćcia aryštu treba budzie vyličvać z daty jaho faktyčnaha zatrymańnia.

Raniej paviedamlałasia, što 53-hadovaha Ilju Dvojryna zatrymali za nibyta ablićcio farbaj mašyny prarasijskaha aktyvista Siarhieja Judajeva. Incydent z ablitym farbaj aŭtamabilem na krymskich numarach adbyŭsia ŭ Navapołacku 1 lipienia.

Tady paviedamlałasia, što akramia samoha Ilji Dvojryna byli zatrymanyja syn Dvojryna Dźmitryj, niaviestka i brat. 4 lipienia ŭ ich doma praviali pieratrusy, a svajakoŭ advieźli ŭ RAUS. Paźniej žonku i brata Ilji paśla pravierki telefonaŭ adpuścili, a jaho samoha źmiaścili ŭ viciebski IČU. Na jaho nibyta była zaviedziena kryminalnaja sprava.

Dzie Ilja Dvojryn znachodzicca ciapier, nie paviedamlajecca.

Čytajcie taksama:

HUBAZiK pachvaliŭsia, što zatrymaŭ chłopca praz kadry ź filma Maminava

U Minsku adrazu piaci čałaviekam pryznačyli pa hodu kałonii za ŭdzieł u akcyjach pratestu

Apošni pierformans Alesia Puškina

Клас
1
Панылы сорам
2
Ха-ха
0
Ого
1
Сумна
1
Абуральна
13