Hienadź Trubiła. Fota: ncpi.gov.by

Byŭ namieśnikam u troch ministraŭ

Da pasady kiraŭnika viedamstva Trubiła išoŭ 11 hadoŭ. U 2012 hodzie jon byŭ pryznačany namieśnikam ministra, u 2018-m — pieršym namieśnikam kiraŭnika viedamstva.

Načalnikami Trubiły byli Andrej Šorac (u 2014 hodzie jaho pastavili kiravać Minskim harvykankamam), Alaksandr Cierachaŭ (ź ministerskaj pasady syšoŭ paśla adstaŭki ŭ 2020 hodzie ŭrada Siarhieja Rumasa) dy Andrej Chmiel (jaho pryznačyli sioleta ŭ mai staršynioj Hrodzienskaha harvykankama).

Prasiŭ u maci dazvołu na rańni šlub

 52-hadovy Hienadź Trubiła rodam sa Słonima.

Baćki Trubiły pracavali na miascovym lnozavodzie. Baćka, Alaksiej Alaksiejevič, rabiŭ traktarystam, a maci, Franciška Ihnataŭna, była padviazčycaj vałakna. Akramia syna Hienadzia jany mieli i mienšuju dačku Halinu. Ciapier jana zahadčyca dziciačaha sadka ŭ Słonimie.

Hienadź Trubiła z udzielnicami spartakijady rabotnikaŭ ŽKH. Fota: mogilev-kbp.by

Hienadź Trubiła z udzielnicami spartakijady rabotnikaŭ ŽKH. Fota: mogilev-kbp.by

Jak kažuć krynicy, blizkija da siamji novapryznačanaha ministra, Hienadź Trubiła ažaniŭsia davoli maładym — było jamu kala dvaccaci. Dazvołu prasiŭ u maci, jakaja nie piarečyła rańniamu šlubu syna.

U siamji Hienadzia i Taćciany Trubiłaŭ dvoje synoŭ. Bolšamu Dzianisu — 30, a mienšamu Vadzimu — 15 hadoŭ.

Chacieŭ stać dalnabojnikam, ale pieradumaŭ, pasłuchaŭšysia maci

Hienadź Trubiła ź dziacinstva zachaplajecca boksam. Dahetul trymaje siabie ŭ spartovaj formie. 

Chacieŭ stać kiroŭcam-dalnabojnikam, ale maci pierakanała jaho vybrać inšuju prafiesiju.

Trubiła — vypusknik Biełaruskaha politechničnaha instytuta (ciapier Biełaruski nacyjanalny techničny ŭniviersitet), a taksama Akademii kiravańnia pry Łukašenku.

Hienadź Trubiła trymaje siabie ŭ spartovaj formie. Fota: mogilev-kbp.by

Hienadź Trubiła trymaje siabie ŭ spartovaj formie. Fota: mogilev-kbp.by

Pa skančeńni instytuta Trubiła zastaŭsia ŭ Minsku. Pracavaŭ miechanikam na pryvatnaj vytvorčaści, a zatym padaŭsia ŭ žyllova-kamunalnuju haspadarku.

Zajmaŭ kiroŭnyja pasady ŭ ŽREU Frunzienskaha rajona stalicy i try hady, da pryznačeńnia ŭ ministerstva, byŭ dyrektaram hetaj arhanizacyi.

Supakojvaŭ nasielnictva

Hienadź Trubiła adzin z aŭtaraŭ Žyllovaha kodeksa, jaki byŭ zaćvierdžany Pałataj pradstaŭnikoŭ u 2012 hodzie.

Novapryznačany ministr zajmaŭsia pytańniami ciepłavoj madernizacyi žyłych damoŭ, zamieny ciepłavych sietak. Sačyŭ za vykańniem zadańniaŭ zabieśpiačeńnia małych pasieliščaŭ jakasnaj vadoj i rekanstrukcyi ačyščalnych zbudavańniaŭ.

Hienadź Trubiła na raniejšych pasadach u ministerstvie zaćviardžaŭ rašeńni, kali ŭ žyłyja damy pryjdzie aciapleńnie.

Padčas pandemii Trubiła supakojvaŭ žycharoŭ Minska, što ŭviesnu haračuju vadu adklučać nie buduć.

«My budziem rekamiendavać, — kazaŭ jon u 2020 hodzie, — kab majskija adklučeńni pieranieśli na paźniejšy termin, naprykład, na vierasień. Ale ja chaču adznačyć, što ŭsio roŭna padrychtoŭčyja mierapryjemstvy da aciaplalnaha pieryjadu pavinny pravodzicca».

Trubiła abiacaŭ, što ceny na kamunalnyja pasłuhi kali i buduć raści, to nie značna. Naprykład, u 2022 hodzie jon kazaŭ, što da kanca 2023 hodu padaražeńnia nie budzie naohuł.

«U nas taryfy na pasłuhi ŽKH pavyšajucca ŭ pamiery $5 u ekvivalencie, ale zbałansavana: z 1 studzienia i 1 lipienia. Z 1 lipienia sioleta pavyšeńnia nie było i da kanca hoda jano nie praduhledžana», — tłumačyŭ jon.

Abiacaje, što supracoŭniki ŽKH buduć «krajnie adkrytyja i ŭvažlivyja ŭ pracy z nasielnictvam»

Łukašenka patrabuje ad Hienadzia Trubiły, kab jon pryŭnios u sistemu ŽKH naviznu i kab mienš było skarhaŭ ad nasielnictva.

«Kab hetaje ministerstva narešcie dakazała, što jamu być. Što Ministerstva žyllova-kamunalnaj haspadarki ŭ krainie patrebnaje», — nastaŭlaŭ novapryznačanaha kiraŭnika viedamstva Łukašenka.

Hienadź Trubiła ličyć, što centralnaje miesca ŭ funkcyjanavańni haliny zajmaje pavyšeńnie efiektyŭnaści i apieratyŭnaści vyrašeńnia prablemnych pytańniaŭ hramadzian.

Hienadź Trubiła vystupaŭ na publičnych mierapryjemstvach. Tak było na dyskusii, pryśviečanaj biezbarjernamu asiarodździu «Inkluziŭnaje hramadstva: inviestycyi ŭ budučyniu». Fota: beltiz.by

Hienadź Trubiła vystupaŭ na publičnych mierapryjemstvach. Tak było na dyskusii, pryśviečanaj biezbarjernamu asiarodździu «Inkluziŭnaje hramadstva: inviestycyi ŭ budučyniu». Fota: beltiz.by

Pavodle Trubiły, u 2022 hodzie ŭ sistemie ŽKH było na 5-7 pracentaŭ mieniej skarhaŭ, čym hodam raniej.

Jon abiacaje, što supracoŭniki žyllova-kamunalnaj haspadarki buduć «krajnie adkrytyja i ŭvažlivyja ŭ pracy z nasielnictvam».

Trubiła spadziajecca, što samo nasielnictva budzie bieražliva stavicca da «zachavańnia i ŭtrymańnia ŭ naležnym stanie miescaŭ ahulnaha karystańnia žyłych damoŭ, prylehłaj da ich terytoryi», a taksama, što ludzi buduć źbirać kamunalnyja adchody asobna.

Hladzicie taksama:

Rost taryfaŭ u ŽKH adviazali ad dalara i pryviazali da bazavaj vieličyni

«Za pustuju kvateru zapłaciŭ pad 190 rubloŭ, nie pracavaŭ navat chaładzilnik». Biełaruskija dalnabojščyki ŭ šoku ad svaich žyrovak

«U domie niama vady». Minskaja ŽKH źniała kreatyŭny klip VIDEA

«Nibyta takaja bahataja kraina, a ŭsio tak ścipła i zvyčajna». Biełaruska pierajechała ŭ Narviehiju i raskazvaje, kolki kaštuje tam žyć

Клас
2
Панылы сорам
1
Ха-ха
10
Ого
5
Сумна
4
Абуральна
8

Chočaš padzialicca važnaj infarmacyjaj ananimna i kanfidencyjna?