Najmity-źniavolenyja adpačyvajuć u adnym z hatelaŭ Anapy. Fota: čat ich svajakoŭ

Najmity-źniavolenyja adpačyvajuć u adnym z hatelaŭ Anapy. Fota: čat ich svajakoŭ

«Usich vyvieźli da kanca kantrakta ŭ Anapu, raniej nie adpuściać, dzień u dzień! […] Uvieś prajekt K (tak unutry PVK nazyvajuć sistemu viarboŭki źniavolenych u kałonijach. — Zaŭv. «Važnych istorij») zakryŭsia», — piša pradstaŭnica PVK «Vahnier».

Niekatorych mohuć nibyta adpuścić i da zakančeńnia kantrakta z PVK.

«Telefanavaŭ muž, skazaŭ, što ciaham tydnia ŭsie jany buduć adpraŭlenyja dadomu, pamiłavańnie pryjšło. Navat u kaho ŭ žniŭni kančajecca kantrakt — usio roŭna pajeduć dadomu raniej. Heta pra tych, chto z kałonij», — piša svajačka adnaho z eks-źniavolenych.

Inšaja svajačka zajaviła, što źniavolenych chočuć adpuścić z hatelaŭ da 29 lipienia.

Znachodžańnie eks-źniavolenych u hatelach Anapy «Važnym istorijam» paćvierdzili svajaki čatyroch najmitaŭ.

Pa słovach adnoj z takich svajačak, usich źniavolenych adpuściać z hatelaŭ dadomu, a dalej jany pry žadańni zmohuć pradoŭžyć kantrakt z PVK, kab pajechać u Biełaruś ci Afryku.

Ale spačatku im treba źjechać u adpačynak dadomu na 14—45 dzion, udakładniła dziaŭčyna. Jana adznačyła, što byłyja źniavolenyja žyvuć u cełym hatelnym kompleksie.

Adna z udzielnic čata paviedamiła, što ŭ hatelach ciapier žyvie kala 400 vahnieraŭcaŭ. Eks-źniavolenych nie vypuskajuć za terytoryju hatelaŭ, pakul jany nie atrymajuć pamiłavańnie i vypłaty. Niekatoryja najmity siadziać u hatelach užo dva miesiacy, raspaviała inšaja svajačka bajevika žurnalistu. 

Vierahodna, havorka idzie pra najmitaŭ, jakija vyjšli z zony bajavych dziejańniaŭ da buntu — u Krasnadarskim krai jany i raniej prachodzili reabilitacyju. 

Raniej telehram-kanał Astra pisaŭ, što najmity PVK «Vahnier» zaniali bolšaść hatelaŭ u Krasnadary. Ciapier tudy rehularna pryjazdžajuć palicejskija i rashvardziejcy, bo vahnieraŭcy-kryminalniki ładziać bojki i pahromy.

Čytajcie taksama:

U Biełaruś prybyli jašče dźvie kałony vahnieraŭcaŭ — «Biełaruski Hajun»

Na terytoryi vahnieraŭskaha łahiera pad Asipovičami znachodzicca kala paŭtysiačy adzinak techniki — «Radyjo Svaboda»

Pryhožyn u svajoj pieršaj pramovie ŭ Biełarusi zaklikaŭ «nie kryŭdzić biełaruskich dziaŭčat»

Клас
1
Панылы сорам
5
Ха-ха
14
Ого
2
Сумна
2
Абуральна
22