Todar Taharaŭ na fota sprava. Fota: Virginia Mayo / AP

Todar Taharaŭ na fota sprava. Fota: Virginia Mayo / AP

U aŭtorak u Safii zatrymali 39-hadovaha mužčynu, jakoha abvinavacili ŭ pahrozach zabić ministra abarony Bałharyi Todara Taharava z-za jaho pazicyi adnosna vajny va Ukrainie, paviedamlaje Euractiv.

Taharaŭ — člen novaha ŭrada ŭ Safii, jon jość prajeŭrapiejskim palitykam, jaki rašuča vystupaje za vajskovuju padtrymku Ukrainy. Adnak da niadaŭniaha času Bałharyjaj kiravaŭ Časovy ŭrad, pryznačany prezidentam Rumienam Radzievym, jakoha mnohija ličać prakramloŭskim.

Safijskaja akruhovaja prakuratura paviedamiła, što 4 lipienia padazravany pahražaŭ zabić ministra, dasłaŭšy paviedamleńnie na jaho staronku ŭ sacyjalnaj sietcy.

Śćviardžajecca, što mužčyna pahražaŭ Taharavu praz toje, što jamu nie padabałasia jahonaja pazicyja pa Ukrainie. Mužčyna byŭ zatrymany na 72 hadziny pa pastanovie prakuratury.

Dziesiać dzion tamu prarasijskija demanstranty vyjšli na akcyju pratestu ŭ Safii, patrabujučy, kab Bałharyja nie pieradavała vajskovaj dapamohi Ukrainie. Pieršapačatkova płanavałasia, što ich šeście pad nazvaj «Marš za mir» dojdzie da rezidencyi Taharava, ale arhanizatary źmianili maršrut.

16 lipienia ŭ teleintervju Taharaŭ zajaviŭ, što palityka i prapahanda Kramla majuć surjozny pośpiech u Bałharyi. «Jaje [prapahandu i palityku] padtrymlivajuć značnyja hramadskija hrupy, partyi i ŭ peŭnaj stupieni instytut prezidenta», — dadaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?