Pavodle ministra, tłumačycca hety rost tym, što biełarusy aktyŭna padklučajuć u svaich pryvatnych damach elektrakatły, a taksama dajuć taki vynik padklučanyja da elektryčnaści novabudoŭli.

Spažyvańnie elektraenierhii hramadzianami dla patreb aciapleńnia i haračaha vodazabieśpiačeńnia za pieršaje paŭhodździe biahučaha hoda vyrasła, pavodle aficyjnaj statystyki, u 1,4 razu — da 390 młn kVt·h.

Usio bolš pryvatnych damoŭ nibyta chočuć padklučyć elektryčnyja katły. U pieryjad z 2019 pa červień 2023 hoda ŭ arhanizacyi enierhazabieśpiačeńnia pastupiła 102 tysiačy zvarotaŭ na dałučeńnie elektraŭstanovak adnakvaternych žyłych damoŭ da elektryčnych sietak. Minenierha zadavoliła 90% takich zajavak. U pieršym paŭhodździ biahučaha hoda takich zajavak było 11,8 tysiačy, ź jakich zadavolili 93%.

Akramia taho, spažyvańnie elektraenierhii taksama raście za košt budaŭnictva novaha elektryfikavanaha žylla. U pieryjad z 2021-ha pa pieršaje paŭhodździe 2023-ha hoda ŭ krainie ŭviedziena ŭ ekspłuatacyju 840 tysiač kv. m elektradamoŭ.

Čytajcie taksama:

Mahutnaść druhoha błoka BiełAES pavysili da 50% u prysutnaści Hałoŭčanki i Lichačova

«Savuškaŭ pradukt» zapuściŭ u Pinsku soniečnuju elektrastancyju

BiełAES letaś prastojvała bolš za pałovu času — MAHATE

Клас
0
Панылы сорам
0
Ха-ха
2
Ого
2
Сумна
0
Абуральна
0