Što novaha hladziać u telefonie

Pa paviedamleńniach vidavočcaŭ, šmat času śpiecsłužbisty na miažy pačali nadavać vyvučeńniu prahramy «Telefon» i śpisaŭ apošnich telefanavańniaŭ.

Jašče adzin punkt — telefonnyja knihi i kantakty tam. Taksama vielmi šmat uvahi nadajuć kantaktam u telehramie.

Pa našych źviestkach, prahladajuć taksama archivy pošty.

Jak pačyścić telefonnyja knihi

Śpis telefanavańniaŭ na androidzie vydalić prosta (na ajfonach schiema padobnaja).

Adkryjcie prahramu «Telefon». Pierajdzicie ŭ śpis apošnich vyklikaŭ. Naciśnicie toj numar, jaki vy chacieli b vydalić. Adkryjecca mieniu — tam treba nacisnuć «Vydalić».

Mieniu, jakoje adkryvajecca paśla nacisku na numar. Naciśnicie «Vydalić»

Mieniu, jakoje adkryvajecca paśla nacisku na numar. Naciśnicie «Vydalić»

Paśla adkryjecca akienca paćviardžeńnia. Naciśnicie «Vydalić» jašče raz.

Akienca paćviardžeńnia vydaleńnia numara z apošnich vyklikaŭ. Naciśnicie «Vydalić»

Akienca paćviardžeńnia vydaleńnia numara z apošnich vyklikaŭ. Naciśnicie «Vydalić»

Jak pačyścić śpis kantaktaŭ u telefonie

Kab vydalić niekaha z kantaktaŭ na Android, zajdzicie ŭ prahramu «Telefon» i abiarycie punkt «Kantakty».

Nižniaje mieniu prahramy «Telefon». Naciśnicie «Kantakty».

Nižniaje mieniu prahramy «Telefon». Naciśnicie «Kantakty».

Adšukajcie kantakt, jaki chočacie vydalić. Naciśnicie na jaho.

Śpis kantaktaŭ. U našym vypadku my vydalajem kantakt Watch.

Śpis kantaktaŭ. U našym vypadku my vydalajem kantakt Watch.

Naciśnicie na try kropki ŭ pravym vierchnim kucie.

Tak vyhladaje kantakt. Naciśnicie na mieniu ŭ vierchnim pravym kucie

Tak vyhladaje kantakt. Naciśnicie na mieniu ŭ vierchnim pravym kucie

Dalej adkryjecca mieniu. Naciśnicie «Vydalić» i paćvierdzicie vydaleńnie.

Jak pačyścić kantakty ŭ telehramie

Što da kantaktaŭ u Telegram, to vy možacie vydalić ich i zabaranić ich sinchranizacyju, kab palepšyć vašu biaśpieku.

Dla hetaha naciśnicie na try ryski ŭ levym vierchnim kucie ekrana. Dalej abiarycie «Nałady» i ŭvajdzicie ŭ punkt «Pryvatnaść i biaśpieka».

Mieniu telehrama. Tut naciśnicie «Nałady» (apošni punkt na skrynšocie)

Mieniu telehrama. Tut naciśnicie «Nałady» (apošni punkt na skrynšocie)

Dahartajcie punkt «Pryvatnaść i biaśpieka» da punkta «Kantakty». Naciśnicie «Vydalić sinchranizavanyja kantakty» i paćvierdzicie vydaleńnie. Paśla adklučycie punkt «Sinchranizavać kantakty» i «Prapanoŭvać častyja kantakty».

Punkt «Kantakty» z užo adklučanaj sinchranizacyjaj i prapanavańniem častych kantaktaŭ

Punkt «Kantakty» z užo adklučanaj sinchranizacyjaj i prapanavańniem častych kantaktaŭ

Jak pačyścić huhł-poštu

Pra toje, jak pačyścić huhł-poštu, raskazvajecca ŭ našym vialikim hajdzie pra ačystku Google-akaŭnta. Dla elektronnaj pošty ad luboha inšaha servisu schiema budzie padobnaj.

«Razvod» na pryznańnie

Apošnim časam, pa źviestkach našych čytačoŭ, usio čaściej padčas dopytaŭ ludziej sprabujuć «raźvieści» na pryznańnie ŭ peŭnych dziejańniach — udziele ŭ pratestach, achviaravańniach fondam salidarnaści ci rečach takoha kštałtu. Taksama padčas takoj hutarki na miažy na ludziej mahli kryčać i pahražać. Pryčym u niekatorych navat nie hladzieli techniku, a prosta hutaryli ŭ takim klučy.

Važna padrychtavacca da dopytu maralna i nie vieścisia na pravakacyi. Kali vy achviaravali nie ź biełaruskaj kartki ci praz daŭno ŭžo vydaleny abo ananimny fejsbuk, to dakazać heta praktyčna niemahčyma (u fejsbuku šmat płatnych opcyj — da prykładu, zakupy ŭ hulniach). Kali vy achviaravali pryvatna, dakazać heta śpiecsłužbisty na miažy taksama nie zdolejuć.

A što jašče hladziać i jak abaranicca?

Pa raniejšych historyjach viadoma, što siłaviki mohuć prahladać taksama:

  • Telegram. Pryčym usio ŭ im — kanały, čaty, kantakty, spampavanyja fota i videa, pierasłanyja spasyłki.
  • Inšyja miesiendžary — da prykładu, fejsbuk-miesiendžar i vajbier.
  • Youtube — padpiski, łajki, kamientary, prahledžanyja i schavanyja videa.
  • Halereja fota, u tym liku huhł-fota i iCloud.
  • Sacyjalnyja sietki. Siłavikoŭ mohuć zacikavić padpiski, paviedamleńni, łajki i kamientary.

Što možna zrabić?

Kali ŭ vas niama sił na hetyja manipulacyi, to možna ŭziać asobny telefon dla pierasiačeńnia miažy, całkam čysty.

Čytajcie taksama:

Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?