Miascovyja žychary ŭpryhožvajuć navat słupy ŭzdoŭž darohi

Miascovyja žychary ŭpryhožvajuć navat słupy ŭzdoŭž darohi

Jarnbombinh — heta vuličnaje viazańnie, abo «viazanaje hrafici». Biełaruska viedała pra jaho i raniej.

«Kali ja žyła ŭ Biełarusi i jašče vučyłasia ŭ škole ŭ Žodzinie, heta navamodnaje chobi sprabavali ŭkaranić i ŭ nas. Da niejkaha ideałahičnaha śviata prymusili nas, staršakłaśnikaŭ, viazać «adzieńnie dla dreŭ» ź niejkich reštkaŭ pradziva», — uspaminaje Alena.

«I choć našy namahańni byli tak sabie, mnie zaŭsiody padabałasia hetaja ideja. I ja zaŭsiody chacieła ŭbačyć sapraŭdny plon pracy niezvyčajnych rukadzielnic na vulicach niejkaha horada i ŭ parkach. Tamu što čytała, što tam, dzie jość narmalnaje hramadstva i samakiravańnie, «bambardziroŭščyki pradzivam» stvarajuć upryhožańni dla dreŭ, elemientaŭ architektury, pomnikaŭ.

Upryhožańni z pradziva na słupach u vyhladzie lalek, rusałak, žyvioł, raślin i navat ježy abo kłavijatury pijanina

Upryhožańni z pradziva na słupach u vyhladzie lalek, rusałak, žyvioł, raślin i navat ježy abo kłavijatury pijanina

Razam sa mnoj čakała tramvaj miascovaja žycharka, ja raspytała jaje pra hetyja ŭpryhožańni. Akazvajecca, u hetym rajonie amatary viazańnia kručkom i prutkami sustrakajucca kožnuju sieradu. Jany i prydumali ŭsio heta», — apaviadaje Alena.

Tramvajny prypynak ź viazanymi firankami

Tramvajny prypynak ź viazanymi firankami

Miascovaja žycharka raskazała, što razynačka akcyi — heta raźviešvańnie vyrabaŭ. Majstrychi robiać heta razam, razmaŭlajučy pra ich značeńnie.

Vokny doma, u jakim idzie rekanstrukcyja, miascovyja žychary ŭpryhožyli svaimi šedeŭrami

Vokny doma, u jakim idzie rekanstrukcyja, miascovyja žychary ŭpryhožyli svaimi šedeŭrami

Tut heta adbyłosia ŭ adnu z subot červienia. Na śviacie vystupili maładyja artysty ź miascovaj muzyčnaj škoły imia Stanisłava Maniuški. Miascovyja pradprymalniki i ramieśniki prafinansavali pačastunki. Heta byli chatni chleb na zakvascy, niekalki vidaŭ chatniaj vypiečki, pirožnyja z kandytarskaj i šmat litraŭ limanadu.

Unikalnyja kryły matyla, kala jakich možna zrabić fota

Unikalnyja kryły matyla, kala jakich možna zrabić fota

Čytajcie taksama:

«Kahości vyprabavańni robiać mocnymi, a ŭ kahości razvalvajucca siemji». Biełaruska raskazała, jak ucioki za miažu adbilisia na jaje siamiejnym žyćci

«Mnie ŭžo prosta nadakučyła płakać, prychodziačy z pracy». Biełaruska try miesiacy prapracavała ŭ Polščy, ale nie paciahnuła i viarnułasia nazad

«Svoj pierajezd u Polšču ja i ciapier liču zdradaj». Jak budaŭnica sa strajkama buduje biznes u Varšavie

Клас
36
Панылы сорам
1
Ха-ха
1
Ого
1
Сумна
2
Абуральна
4