Łedzi Haha. Fota: instahram śpiavački

Łedzi Haha. Fota: instahram śpiavački

Dženifier Makbrajd padała isk suprać Łedzi Hahi za toje, što śpiavačka nie zapłaciła joj abiacanaje ŭznaharodžańnie pamieram 500 tysiač dalaraŭ za viartańnie sabak. Paźniej, adnak, vyśvietliłasia, što Makbrajd sama była ŭdzielnicaj vykradańnia sabak.

Pra hetu historyju 10 lipienia napisaŭ papularny tabłoid TMZ.

Sama historyja takaja: jašče ŭ lutym 2021 hoda nieviadomyja vykrali ŭ Łedzi Hahi dvuch francuzskich buldohaŭ. Złamyśniki strelili ŭ Rajana Fišera, pamočnika śpiavački, jaki vyhulvaŭ jaje hadavancaŭ u Łos-Andželesie, a zatym zabrali sabak. Paśla hetaha Łedzi Haha prapanavała 500 tysiač dalaraŭ tamu, chto dapamoža joj viarnuć ulubioncaŭ. Praź niekalki dzion sabak sapraŭdy viarnuli.

«Pry hetym viarnuła ich mienavita adna sa złamyśnic — Dženifier Makbrajd — u nadziei atrymać vielizarnuju ŭznaharodu ad śpiavački, adnak Haha z-za padazreńniaŭ nie vypłaciła joj hrošaj, praz što sutyknułasia z sudovym iskam ad raźjušanaj žančyny.

Niadaŭna palicyja zdoleła dakazać dačynieńnie Makbrajd i jaje siabra Džejmsa Chovarda da kradziažu sabak i sprobie zabojstva čałavieka, tamu sud całkam staŭ na bok Łedzi Hahi», — raspavioŭ tabłoid TMZ.

U vyniku Džejms Chovard za ŭsie złačynstvy atrymaŭ 21 hod turmy. Dženifier Makbrajd była pryznanaja ŭsiaho tolki saŭdzielnicaj Chovarda «biez faktyčnaha ŭčynieńnia złačynstva», tamu sud daŭ joj dva hady ŭmoŭnaha terminu. Žančyna całkam pryznała vinu.

Čytajcie taksama:

U tvitary piarepałach: łatvijski błohier zrabiŭ vazektamiju

Maks Korž i Łedzi Haha. U Biełarusi značna pašyryli «čorny śpis» muzykaŭ

Cukierbierh rychtujecca da boju z Maskam. Jon pravioŭ treniroŭku z čempijonami UFC 

Клас
3
Панылы сорам
5
Ха-ха
8
Ого
0
Сумна
0
Абуральна
1

Chočaš padzialicca važnaj infarmacyjaj ananimna i kanfidencyjna?