Rabočyja zamaloŭvajuć fresku ŭ kaściole

Rabočyja zamaloŭvajuć fresku ŭ kaściole

Dniami ekskursiju ŭ kaścioł arhanizavaŭ Biełaruski prafsajuz rabotnikaŭ dziaržustanoŭ. Jak paviedamiŭ minski harkam hetaha prafsajuza, u pajezdku zaprasili Departamient humanitarnaj dziejnaści, Nacyjanalnyja spartyŭnyja łatarei, pradpryjemstva «Majstar-ściah Plus», jakoje vyrablaje dziaržsimvoliku.

«Naviedali nieapisalnaj pryhažości kaścioł i navakolle ŭ Hierviatach, cikavaha rośpisu kaścioł u Sołach», — havorycca ŭ spravazdačy ab ekskursii.

Na apublikavanych fota bačna, jak vyhladaje ałtarnaja častka chrama ŭ Sołach biez samaha «cikavaha rośpisu» — freski z vyjavaj «cudu nad Visłaj», jakuju zafarbavali na patrabavańnie ŭładaŭ u lutym 2023 hoda. Akazvajecca, pakul ničoha novaha tam niama — tolki biełaja plama.

Tak ciapier vyhladaje levaja ściana ŭ kaściole, dzie była freska 

Tak ciapier vyhladaje levaja ściana ŭ kaściole, dzie była freska 

Na frescy była namalavana Varšaŭskaja bitva 1920 hoda. Karcina była napisanaja nieŭzabavie paśla hetaj padziei, jakaja adyhrała vialikuju rolu ŭ historyi Jeŭropy. Tady Polšča zmahła spynić nastup na Jeŭropu balšavickaj armii i damahčysia pierałomu ŭ chodzie vajny.

Vyhlad freski da ideałahičnaha ŭmiašańnia

Vyhlad freski da ideałahičnaha ŭmiašańnia

Tahačasnaja pieramoha nad rasijskimi zachopnikami ličycca cudam, ździejśnienym praz pasiarednictva Božaj Maci, jakoj malilisia kataliki z prośbaj ab abaronie. Mienavita tamu freska z hetym siužetam źjaviłasia ŭ kaściole, a aŭtaram jaje byŭ viadomy biełaruski mastak Piotra Sierhijevič.

Čytajcie taksama:

Aŭtar źniščanaj freski ŭ Sołach — biełaruski kłasik Piotra Sierhijevič. Krajaznaviec znajšoŭ dokaz hetaha

«Heta nie adpaviadaje pryncypam cyvilizavanaha śvietu». Polskaje MZS adreahavała na źniščeńnie freski ŭ Sołach

U papraŭčaj kałonii ŭ Hłybokim buduć šukać staradaŭnija freski

Клас
8
Панылы сорам
1
Ха-ха
3
Ого
3
Сумна
7
Абуральна
28