Na sajcie kanfiskavanaj nieruchomaj majomaści vystaŭleny na prodaž administracyjny budynak pa vulicy Žarkoŭskaha, 22a ŭ Homieli. Pačatkovaja cana aŭkcyjonu za piacipaviarchovy budynak ahulnaj płoščaj 2792,2 kv. m składaje 3 580 200 rubloŭ.

Viestybiul ź letapisam historyi AAT «Homielprambud». Fota: konfiskat.by

Viestybiul ź letapisam historyi AAT «Homielprambud». Fota: konfiskat.by

Kapitalny budynak naležyć AAT «Homielprambud», tut raźmiaščałasia zavodaŭpraŭleńnie arhanizacyi. Budynak byŭ pabudavany ŭ 1986 hodzie, apošniaja rekanstrukcyja pravodziłasia ŭsiaho hod tamu. U apošni čas pamiaškańni, raźmieščanyja ŭ budynku, prapanoŭvalisia ŭ arendu pad ofisy.

U pamiaškańniach jašče śviežyja ślady pracoŭnych budniaŭ rabotnikaŭ AAT «Homielprambud». Fota: konfiskat.by

U pamiaškańniach jašče śviežyja ślady pracoŭnych budniaŭ rabotnikaŭ AAT «Homielprambud». Fota: konfiskat.by

Majomaść była kanfiskavanaja za nievykanańnie pradpryjemstvam padatkovych abaviazacielstvaŭ. AAT «Homielprambud» niaźmienna znachodzicca ŭ śpisie daŭžnikoŭ pierad padatkovymi orhanami z červienia 2018 hoda.

Pieralik zasłuh kalektyvu AAT «Homielprambud». Fota: konfiskat.by

Pieralik zasłuh kalektyvu AAT «Homielprambud». Fota: konfiskat.by

AAT «Homielprambud» — pravapierajemnik najstarejšaha budaŭničaha tresta Homielskaj vobłaści, utvoranaha jašče ŭ 1938 hodzie. U 1968 hodzie pradpryjemstva było ŭznaharodžana ordenam Pracoŭnaha Čyrvonaha Ściaha, jakoje da hetaha času fihuruje ŭ poŭnaj naźvie arhanizacyi. Akramia «Homielprambuda», u Homieli takoha zvańnia ŭdastojvaŭsia tolki «Homsielmaš».

Dla pieraličeńnia zasłuh AAT «Homielprambud» spatrebiłasia cełaja kniha. Fota: konfiskat.by

Dla pieraličeńnia zasłuh AAT «Homielprambud» spatrebiłasia cełaja kniha. Fota: konfiskat.by

Takija bujnyja budaŭničyja arhanizacyi Homiela, jak Homielski DBK, budaŭničyja tresty №14 i №27, u svoj čas taksama zaradzilisia ŭ nietrach hetaj arhanizacyi i paśla byli vyłučanyja ŭ samastojnyja haspadarčyja subjekty. Jak i «Homielprambud», budaŭničyja tresty siońnia taksama raspradajuć svaju majomaść.

Čytajcie taksama:

«Homsielmaš» staŭ pradpryjemstvam vajenna-pramysłovaha kompleksu: u jaho skład uvajšoŭ «abaronny» zavod

Ukraina ŭviała sankcyi suprać 16 biełaruskich pradpryjemstvaŭ i adnoj prafsajuznaj jačejki

Homielski chimzavod z-za vajny straciŭ 95 pracentaŭ ekspartu

Клас
1
Панылы сорам
1
Ха-ха
4
Ого
0
Сумна
3
Абуральна
1