Frahmient videa, apublikavanaha hruzinskimi ŭładami, na jakim nibyta adlustravana sproba polskaha lekara vynieści ŭ čaraviku skrutak z analizam byłoha prezidenta Hruzii Michaiła Saakašvili. Krynica: staronka ŭ fejsbuku Pienitencyjarnaj słužby Hruzii

Frahmient videa, apublikavanaha hruzinskimi ŭładami, na jakim nibyta adlustravana sproba polskaha lekara vynieści ŭ čaraviku skrutak z analizam byłoha prezidenta Hruzii Michaiła Saakašvili. Krynica: staronka ŭ fejsbuku Pienitencyjarnaj słužby Hruzii

Pa aficyjnych paviedamleńniach hruzinskich uład, adzin ź lekaraŭ polskaj miedycynskaj hrupy, dapuščanaj da abśledavańnia byłoha prezidenta Hruzii Michaiła Saakašvili, sprabavaŭ tajemna vynieści jaho bijałahičny materyjał na volu z režymnaj ustanovy. Pra heta 14 lipienia napisała vydańnie NewsGeorgia.

U jakaści dokazaŭ Ministerstva justycyi i Pienitencyjarnaja słužba Hruzii apublikavali videa, na jakim polski lekar u prysutnaści hruzinskich achoŭnikaŭ dastaje sa svajho čaravika skrutak ź nibyta bijałahičnym materyjałam Saakašvili.

Pavodle śćviardžeńniaŭ uład, sam incydent «niezrazumieły», bo ŭ polskaj miedycynskaj hrupy «ŭžo byli aficyjnyja dazvoły na vyvaz analizaŭ».

«Zhadanaje dziejańnie z boku polskaha doktara dadaje jašče bolšaj dvuchsensoŭnaści i niezrazumiełaści, što niesumiaščalna z etyčnymi i pravavymi normami. Heta nie paddajecca łohicy, bo z našaha boku byŭ dadzieny dazvoł na vyvaz «uzoraŭ» vałasoŭ i paznohciaŭ, jakija polskija lekary ŭžo zabrali raniej», — zajaviła Pienitencyjarnaja słužba Hruzii na svajoj aficyjnaj fejsbuk-staroncy.

Skrynšot videa Pienitencyjarnaj słužby Hruzii

Skrynšot videa Pienitencyjarnaj słužby Hruzii

Jak paviedamiła NewsGeorgia, u suviazi sa zdareńniem Ministerstva justycyi Hruzii prapanavała MZS krainy zapatrabavać u ambasady Polščy tłumačeńnia dziejańniaŭ polskaha lekara.

Taksama było vykazana mierkavańnie, što nastupny raz prośby naviedać Saakašvili z boku zamiežnych lekaraŭ buduć adchilenyja.

Nahadajem, što były prezident Hruzii Michaił Saakašvili jašče z 2021 hoda znachodzicca pad vartaj u siabie na radzimie. U hety momant jaho ŭtrymlivajuć u śpiecyjalnaj miedycynskaj klinicy «Vivamied», na fota ź jakoj vidać, što palityk vyhladaje ašałamlalna žachliva.

Tak jak Saakašvili maje dziejnaje ŭkrainskaje hramadzianstva, ułady Ukrainy ŭžo niekalki razoŭ zaklikali Hruziju pieradać palityka im.

Čytajcie taksama:

Saakašvili rassakreciŭ poł i imia svajho čaćviortaha dziciaci

Ukrainskija pamiežniki adsočvajuć pieramiaščeńni vahnieraŭcaŭ u Biełarusi

«My budziem ščaślivyja, kali jon nie pryjedzie». U PAR znoŭ paprasili Pucina nie lacieć na samit BRIKS

Клас
2
Панылы сорам
2
Ха-ха
8
Ого
4
Сумна
8
Абуральна
1

Chočaš padzialicca važnaj infarmacyjaj ananimna i kanfidencyjna?