Lukashenka must be tried for crimes against humanity poster in Warsaw

Płakat u Varšavie z nadpisam «Sankcyi suprać režymu Łukašenki za złačynstvy suprać čałaviečnaści». Fota: «Naša Niva»

Hałoŭnyja ličby:

— tolki tracina (34%) palakaŭ ličyć, što biełarusy pryjazna staviacca da Polščy. U 2020 hodzie tak ličyła 63%.

— 88% palakaŭ dakładna viedajuć, chto taki Alaksandr Łukašenka. Pra Śviatłanu Cichanoŭskuju i Andreja Pačobuta viedaje tolki 37%.

— 74% palakaŭ aceńvajuć Alaksandra Łukašenku vielmi niehatyŭna, pazityŭna — usiaho kala 3%. Jaho ŭsprymajuć u pieršuju čarhu jak «dyktatara, jaki mučyć ułasny narod» i jaki «ŭzmacniaje zaležnaść ad Pucina i Rasii».

— 42% palakaŭ ličać biełarusaŭ iniertnymi i pasiŭnymi da rasijskaj ahresii va Ukrainie. 39% — što biełarusy ŭ bolšaści vystupajuć suprać vajennych dziejańniaŭ i salidaryzujucca z ukraincami. Što biełarusy na baku Rasii, miarkuje tolki 12% palakaŭ.

— 79% palakaŭ zhodnyja, što Polšča zacikaŭlenaja ŭ tym, kab u Biełarusi zapanavali svaboda i demakratyja. Što biełarusy sami vinavatyja ŭ svaich prablemach, bo abrali Łukašenku prezidentam, ličyć 35% palakaŭ. Što situacyja ŭ Biełarusi — heta prablema samich biełarusaŭ — 37%.

Daśledčyki adznačajuć, što padziei apošnich hadoŭ karennym čynam źmianili situacyju ŭ našym rehijenie. I siońnia Biełaruś u polskim usprymańni idzie śledam za Rasijaj, dzie paśla 2014 hoda nazirałasia tendencyja adroźnivańnia prostych rasijan ad uładaŭ u Kramli.

Vajna suprać Ukrainy pahoršyła staŭleńnie palakaŭ nie tolki da Łukašenki, ale i da biełarusaŭ. Adkaznaść za heta aŭtary daśledavańnia ŭskładajuć na palityku Rasii, jakaja stała «kamieniem na šyi» biełarusaŭ.

Taksama pryčynaj nazyvajecca ahresiŭnaja palityka Łukašenki, teror i represii, u tym liku suprać polskaj mienšaści i kultury ŭ Biełarusi.

U adnosinach da biełarusaŭ u polskim hramadstvie zachoŭvajecca tryvały stereatyp, što naša nacyja pasiŭnaja. Asabliva heta ŭzmacniajecca na fonie kanfliktu va Ukrainie. 

Pry hetym palaki davoli mocna cikaviacca padziejami ŭ Biełarusi, jakija vyjšli z peŭnaj «zony zabyćcia». Spryjaje ž pavyšanaj zacikaŭlenaści hieahrafičnaja i kulturnaja blizkaść dźviuch krain.

Čytajcie taksama:

Što biełarusy dumajuć pra raźmiaščeńnie ŭ krainie jadziernaj zbroi?

Novaje apytańnie pakazała, kolki biełarusaŭ padtrymlivaje vajnu i raźmiaščeńnie jadziernaj zbroi

Bolš za 90% ukraincaŭ admoŭna staviacca da Łukašenki — apytańnie

Клас
32
Панылы сорам
12
Ха-ха
8
Ого
5
Сумна
24
Абуральна
11

Chočaš padzialicca važnaj infarmacyjaj ananimna i kanfidencyjna?