Fota: Dursun Aydemir/Anadolu Agency/Bloomberg via Getty Images

Fota: Dursun Aydemir/Anadolu Agency/Bloomberg via Getty Images

Akramia taho, Erdahan paabiacaŭ ahučyć hetuju samuju pazicyju na sustrečy z premjer-ministram Šviecyi Ulfam Krystersanam i hienieralnym sakratarom NATA Jensam Stołtenbierham.

«Ja źviartajusia da tych krain, jakija prymušajuć Turcyju ŭžo bolš za 50 hadoŭ čakać pierad dźviaryma ŭ Jeŭrasajuz. Spačatku adkryjcie šlach dla Turcyi ŭ ES, a zatym my adkryjem šlach dla Šviecyi ŭ NATA, jak užo zrabili dla Finlandyi», — zajaviŭ turecki prezident pierad adpraŭleńniem u Vilniu, paviedamlaje Reuters.

Erdahan nie ŭdakładniŭ, što mienavita jon mieŭ na ŭvazie pad słovami «adkryć šlach» u ES. Pres-sakratarka Jeŭrakamisii Dana Śpinant zajaviła, što nie varta źviazvać dva roznyja pracesy: ustupleńnie Šviecyi ŭ NATA i Turcyi — u Jeŭrasajuz.

«U ES vielmi strukturavany praces pašyreńnia, i jość vielmi vyrazny nabor krokaŭ», — zajaviła jana žurnalistam u Brusieli, paviedamlaje Bloomberg.

Turcyja imkniecca ŭstupić u ES z 1980-ch hadoŭ. Aficyjnyja pieramovy pačalisia jašče ŭ 2005 hodzie, adnak užo daŭno zajšli ŭ tupik. Pryčyny roznahałośsiaŭ — pravy čałavieka ŭ Turcyi, niezaležnaść sudovaj sistemy i raźviedka Ankaroj enierhietyčnych resursaŭ u sprečnych vodach vakoł Kipra.

Šviecyja padała zajaŭku na ŭstupleńnie ŭ NATA letaś razam ź Finlandyjaj paśla ŭvarvańnia Rasii va Ukrainu. Z-za składanaściaŭ u dasiahnieńni zhody pamiž Ankaroj i Stakholmam Finlandyja ŭstupała ŭ błok samastojna i stała paŭnapraŭnym siabram Aljansu ŭ krasaviku hetaha hoda.

Čytajcie taksama:

Lidary Šviecyi i Turcyi sustrenucca napiaredadni samitu NATO

Va Ukrainie ŭžo budujecca zavod pa vytvorčaści «Bajraktaraŭ»

Erdahan: Ukraina zasłuhoŭvaje być u NATO

Клас
2
Панылы сорам
6
Ха-ха
9
Ого
2
Сумна
0
Абуральна
7