Biełaruś

U kancy červienia ŭ Biełarusi źnizili staŭku refinansavańnia z 9,75% da 9,5% hadavych. Heta šostaje ad pačatku hoda źnižeńnie. Razam z hetym źmianilisia i staŭki pa kredytach, u tym liku na žytło.

Staŭki pa kredytach na žytło pačynajucca z 12,5% (kali razmova idzie pra budaŭnictva ź dziaržaŭnaj padtrymkaj) ci kala 14% hadavych (na kuplu nieruchomaści bieź jakich-niebudź dadatkovych ilhot). Maksimalny termin kredytavańnia — 20 hod. 

Najbujniejšy bank krainy (Biełarusbank) prapanuje kredyt «Ipateka Ekspres» na nabyćcio žyłoha pamiaškańnia na 20 hadoŭ pa staŭcy 14,4%. Ci staŭka refinansavańnia + 4,90%.

Fota: skrynšot z sajta belarusbank.by

Fota: skrynšot z sajta belarusbank.by

Litva

U Litvie ipatečnyja kredyty vydajuć terminam da 30 hadoŭ. Staŭki kala 5,7-6% hadavych. Naprykład, Swedbank na biahučy momant vydaje kredyty pad 6,01 % hadavych. Staŭka składajecca z pracenta banka 2,1% i staŭki EURIBOR 3,91% (siaredniaja pracentnaja staŭka pa mižbankaŭskich kredytach u jeŭra). Apošniaja, jak i staŭka refinansavańnia ŭ nas, moža źmianiacca ŭ bolšy abo mienšy bok.

Fota: skrynšot z sajta swedbank.lt

Fota: skrynšot z sajta swedbank.lt

Polšča

U Polščy staŭki pa ipatečnych kredytach padobnyja da Litvy — kala 5,5-6% hadavych. Žychary Polščy, jakija padychodziać pad dziejańnie prahramy «Pieršaje žytło», mohuć raźličvać na ipatečny kredyt pad 4% hadavych. Padrabiaźniej pra niadaŭna zaćvierdžanuju prahramu, jakoj mohuć skarystacca i hramadzianie Biełarusi, možna pračytać pa spasyłcy

Čytajcie taksama:

Jak vyhladajuć biełaruskija piensii na fonie susiedziaŭ i kolki hrošaj zastajecca paśla apłaty kamunalnych pasłuh 

Клас
17
Панылы сорам
1
Ха-ха
4
Ого
3
Сумна
5
Абуральна
1