Skryn filma

Skryn filma

Marharyta Laŭčuk zakančvaje mahistraturu ŭ EHU. Temu hvałtu dziaržaŭnaj simvolikaj jana daśledavała ŭ svajoj mahistarskaj pracy. Vynikam daśledavańnia staŭ film.

Pakaz filma prajšoŭ učora ŭ Vilni. A siońnia a 20-j jaho premjera adbudziecca ŭ jutubie (pahladzieć možna pa spasyłcy).

Skryn filma

Skryn filma

«Kroŭ na travie» — tak syn adnoj z palitźniavolenych apisaŭ čyrvona-zialony ściah. Heta asacyjacyja stała nazvaj filma.

Jak łukašenkaŭski režym vykarystoŭvaje simvoliku i čamu heta možna ličyć hvałtam? Dyzajniery, stylistka, urbanist razvažajuć pra značeńnie i pasył, jakija majuć čyrvony i zialony kolery, a byłyja palitźniavolenyja dzielacca, jakija emocyi heta spałučeńnie koleraŭ vyklikaje ŭ ich. Raskazvajecca taksama, jak humar i tvorčaść dapamahajuć adoleć psichałahičnuju traŭmu.

Hienieralnym pradziusaram filma staŭ Aleś Čachoŭski, režysioram — Arciom Łobač. Marharyta Laŭčuk, aŭtar idei, taksama źniałasia ŭ kadry. Siarod tych, chto finansava padtrymaŭ ideju, — biełaruskaja dyjaspara Bostana i Novaj Anhlii i bajec pałka Kalinoŭskaha.

Prezientacyja filma ŭ Vilni. Marharyta Laŭčuk i režysior Arciom Łobač (u centry) adkazvajuć na pytańni

Prezientacyja filma ŭ Vilni. Marharyta Laŭčuk i režysior Arciom Łobač (u centry) adkazvajuć na pytańni

Marharyta Laŭčuk padzialiłasia, što joj aficyjny čyrvona-zialony ściah nie byŭ blizki jašče da pratestaŭ 2020 hoda. Śpiavačka zhadvaje, jak u 2017-m vystupała z opieraj na Teneryfe i za jaje śpinaj na ekranie pakazali hety ściah — ad razhublenaści jana nie vielmi dobra vykanała pieršuju aryju.

Dla filma pra dziaržaŭnuju simvoliku Marharyta Laŭčuk prasiła biełarusaŭ dasyłać prykłady čyrvona-zialonych «dyzajnierskich rašeńniaŭ» u haradach. Čyrvona-zialonyja łaŭki, dźviery, skulptury, traktary…

Hledačy padzialilisia, što nastupnym varta źniać film pra sapraŭdnyja nacyjanalnyja kolery.

Nahadajem, što ŭ 2021-m hodzie siłaviki zaviali na artystku kryminalnuju spravu «za abrazu dziaržaŭnych simvałaŭ» i abviaścili ŭ vyšuk — za epizod z klipa.

Čytajcie taksama:

Pradziusar Alaksandr Čachoŭski — pra raskrutku Marharyty Laŭčuk, zajzdraść i psieŭdapurytanstva

Historyja adnaho mudraha rašeńnia 1915 hoda, ci Čamu Marharyta Laŭčuk u 2020-m dziejničała tak, jak dziejničała

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?