Fota: Andreea Alexandru / AP Photo

Fota: Andreea Alexandru / AP Photo

Jens Stołtenbierh zajmaje hetu pasadu z 2014 hoda, i jahony druhi termin na pasadzie pavinien byŭ skončycca ŭ vieraśni 2022-ha hoda, ale byŭ pradoŭžany na hod praz vajnu Rasii suprać Ukrainy.

Sam Stołtenbierh zajaŭlaŭ, što nie maje namieru vyłučać svaju kandydaturu na novy termin, ale krynica Reuters adznačaje, što Stołtenbierh karystajecca ŭ NATA šyrokaj padtrymkaj i zastajecca efiektyŭnym lidaram.

«Administracyja [prezidenta ZŠA] prychodzić da dumki ab tym, što Stołtenbierh zastajecca jašče na hod, — skazaŭ ahienctvu amierykanski čynoŭnik, jaki paprasiŭ ab ananimnaści. — Nie padobna da taho, što ciapier u Aljansie jość kansensus z nahody jaho zamieny».

Imaviernaść taho, što Stołtenbierha paprosiać zastacca na pasadzie, uzrastaje pa miery nabližeńnia samitu NATA, jaki projdzie ŭ Vilni 11—12 lipienia, piša Reuters. Sajuźniki aścierahajucca razładu ŭ Aljansie ŭ pytańni adnosna vajny va Ukrainie.

Chto b ni zaniaŭ pasadu hienieralnaha sakratara NATA ŭ najbližejšy čas, jamu treba budzie, z adnaho boku, padtrymlivać adzinstva krain — čalcoŭ Aljansu ŭ padtrymcy Ukrainy, a z druhoha — nie dapuścić eskałacyi, jakaja pryviała b da niepasrednaha ŭstupleńnia NATA ŭ vajnu z Rasijaj.

Čytajcie taksama:

«Lubymi dastupnymi srodkami zabiaśpiečyć likvidacyju režymu Łukašenki». Łatuška zrabiŭ zajavu z nahody raźmiaščeńnia ŭ Biełarusi jadziernaj zbroi

Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku

Na samicie NATA ŭ Vilni Ukrainie mohuć dać harantyi «siarednija pamiž tymi, što atrymlivali Finlandyja i Izrail» — prezident Čechii

Клас
4
Панылы сорам
0
Ха-ха
0
Ого
0
Сумна
0
Абуральна
0