Kiryła Budanaŭ. Fota: «Novoje vriemia»

Kiryła Budanaŭ. Fota: «Novoje vriemia»

RIA «Naviny» sa spasyłkaj na svaju krynicu śćviardžaje, što rasijskaja rakieta patrapiła ŭ budynak ukrainskaha Hałoŭnaha ŭpraŭleńnia raźviedki — dy akurat u susiedni z Budanavym kabiniet. Ciapier, maŭlaŭ, Budanaŭ u ciažkim stanie znachodzicca ŭ špitali ŭ Bierlinie.

Padobna da taho, što akurat da hetaj «śpiecapieracyi» moža mieć dačynieńnie ŭznaharodžańnie łukašenkaŭskich siłavikoŭ rasijskimi ŭznaharodami, jakoje adbyłosia 1 červienia. Pra sam jaho fakt u presie paviedamlałasia, a za što kankretna było toje ŭšanavańnie, aficyjna nie kazali.

U toj ža čas prapahandyst Vadzim Hihin, jaki dniami staŭ dyrektaram Nacyjanalnaj biblijateki, u prahramie «Viečar z Uładzimiram Sałaŭjovym», dzie jon jość častym hościem, niadaŭna kazaŭ nastupnaje:

«Dyrektar FSB Alaksandr Bortnikaŭ uznaharodziŭ biełaruskich aficeraŭ-raźviedčykaŭ. Čamu pra heta abviaścili publična? Heta była apieracyja «Valkiryja 2.0», dla jakoj byli vyznačanyja kaardynaty. Usie viedajuć, dzie znachodzicca Rybalski vostraŭ, heta štab-kvatera HUR Kiryły Budanava. Adbyŭsia momant, kali tam znachodzilisia pradstaŭniki kiraŭnictva i niejkija raźviedčyki, jakich niby jak uznaharodžvali. Udar akazaŭsia vielmi adčuvalnym, miakka kažučy».

Raniej rasijskaja prapahanda (a za joj i biełaruskaja) ciaham maja zapuskała infarmacyju pra toje, što spačatku nibyta zahinuŭ, a paśla byŭ ciažka paranieny hałoŭnakamandujučy USU Valeryj Załužny. Jon sapraŭdy nie źjaŭlaŭsia na publicy niekalki tydniaŭ, ale 25 i 26 maja źjaviŭsia i na fota, i na videa.

Apošniaje na siońniašni dzień videa z Kiryłam Budanavym źjaviłasia 11 červienia. U im kiraŭnik ukrainskaj raźviedki paŭchviliny hladzić u kamieru i nie pramaŭlaje ni słova, a ŭ kancy rolika ŭźnikaje nadpis «Płany lubiać cišyniu».

 

Čytajcie taksama:

Rasijanie nie mieli inšaha płana zachopu Kijeva, jak vysadka ŭ Hastomieli — Budanaŭ

«Jon nam nikoli nie admaŭlaŭ». Kiraŭnik ukrainskaj raźviedki pryznaŭsia, što Ukraina pracavała z Łukašenkam praz deputata Šaŭčenku

«U mianie była prabitaja śpina, šyja». Kiryła Budanaŭ raskazaŭ pra ciažkoje ranieńnie, atrymanaje na Danbasie

Клас
3
Панылы сорам
9
Ха-ха
7
Ого
0
Сумна
1
Абуральна
2