Mikałaj Kazłoŭ. Fota: «Naša Niva»

Mikałaj Kazłoŭ. Fota: «Naša Niva»

Eks-staršynia Abjadnanaj hramadzianskaj partyi byŭ asudžany na dva z pałovaj hady kałonii za ŭdzieł u adnym z maršaŭ pratestu ŭ žniŭni 2020 hoda. Pakarańnie jon adbyvaje ŭ mahiloŭskaj kałonii № 15.

«Kali ad Mikałaja amal dva miesiacy nie prychodziła nijakaj infarmacyi, heta było tryvožna, — raspaviadajuć paplečniki palityka. — Ciapier viestki ad jaho pryjšli. I zychodziačy ź ich, možna skazać tak: pa mierkach taho, dzie jon znachodzicca, situacyja bolš-mienš narmalnaja.

Trymajecca jon psichałahična i maralna dobra, usim pieradaje pryvitańni».

U minułym miesiacy ŭ Mikałaja Kazłova pamierła maci, ale na pachavańnie jaho nie puścili.

«Bolš za toje — navinu pra śmierć maci Mikałaju pieradali ź vialikim spaźnieńniem, — dadajuć blizkija palityka. — Strata rodnaha čałavieka stała dla jaho vielmi mocnym udaram.

Ale samaje hałoŭnaje, što apošnija dva tydni ad jaho pajšła infarmacyja. My dakładna nie viedajem, čamu da hetaha dva miesiacy nie było ad Mikałaja viestak, ale takaja zabarona tak prosta nie zdarajecca. Abo adbyvaŭ pakarańnie ŭ ŠIZA, abo byŭ admysłovy zahad. Była ž ahulnaja chvala takoj infarmacyjnaj błakiroŭki palitviaźniaŭ. Praŭda, Mikałaj z hetaj chvali, jak bačym, užo vyjšaŭ».

Čytajcie taksama:

«Ja viedaju dakładna, što ja budu reabilitavany». Mocnaje apošniaje słova staršyni AHP Mikałaja Kazłova

Vyniesieny prysud Mikałaju Kazłovu i inšym členam Abjadnanaj hramadzianskaj partyi

Клас
3
Панылы сорам
0
Ха-ха
1
Ого
0
Сумна
9
Абуральна
4