Kiryła Šymko. Fota: BiełTA
Heta 12-tonny tralejbus «Alhierd» vytvorčaści «BKM Chołdynh» z pavialičanym aŭtanomnym chodam daŭžynioj 12,5 m. Značna ŭskładnili zadaču asiłku pasažyry, jakija zajšli ŭ tralejbus, piša BiełTA.
Viadomy siłavy atlet, nieadnarazovy rekardsmien Knihi rekordaŭ Hiniesa Kiryła Šymko z dapamohaj trosaŭ zmoh praciahnuć tralejbus na 10 m.
«Tralejbus ja ciahnuŭ upieršyniu. Ideja cikavaja, tym bolš heta sučasny, zapatrabavany na haradskich maršrutach transpart. Pastaŭlenaja zadača — zrušyć jaho ź miesca — paśpiachova vykanana. I heta dobraja nahoda pakazać usim haściam vystavy, našaj moładzi mahčymaści čałaviečaha arhanizma, dakazać, što pry vialikim imknieńni navat samyja składanyja mety dasiahalnyja, čarhovy raz nahadać pra toje, jak važna zajmacca sportam i vieści zdarovy ład žyćcia», — padzialiŭsia Kiryła Šymko.
U bijahrafii asiłka — mnostva rekordaŭ. Kiryła Šymko ruchaŭ tanki T-26 i T-34, pasažyrski samalot «Boinh-737», čyhunačny sastaŭ ź piaci pasažyrskich vahonaŭ, transpartny samalot Ił-76, karjerny samazvał BiełAZ.
Fota: BiełTA
Dla novaha siłavoha rekordu tralejbus vybrany nievypadkova — siońnia ŭ Minsku prachodzić Dzień elektratranspartu, mierapryjemstvy jakoha nakiravanyja na papularyzacyju transpartu na elektraciazie, pavieličeńnie jaho doli ŭ aŭtaparku krainy.
Dzień elektratranspartu prachodzić na placoŭcy la Nacyjanalnaj biblijateki.
