Zatapleńnie ŭ Chiersonie. Fota: «Ukrainskaja praŭda»
Słužba biaśpieki Ukrainy pierachapiła razmovu akupantaŭ, u jakoj jany raspaviadajuć, što Kachoŭskuju HES uzarvała rasijskaja dyviersijnaja hrupa, śćviardžaje «Ukrainskaja praŭda».
Jany chacieli šantažavać Ukrainu padryvam damby i ŭčynili technahiennuju katastrofu na poŭdni našaj dziaržavy, zajaŭlajuć u SBU.
«Tam nie jany (Ukraina. — «NN») hvazdanuli. Tam naša dyviersijnaja hrupa. Jany chacieli typu hetaj dambaj pałochać. Pajšło nie pa płanie, a bolš, čym jany płanavali», — raspaviadaje rasijski vajskoviec.
Dalej rasijanin apisvaje nastupstvy hetaj katastrofy: padvyšeńnie ŭzroŭniu vady, zatapleńnie terytoryj i razbureńni.
U noč na 6 červienia rasijanie ŭzarvali Kachoŭskuju hidraelektrastancyju, razburyŭšy mašynnuju zału i płacinu, stancyju niemahčyma adnavić.
Padryŭ Kachoŭskaha vadaschovišča pahražaje biaśpiecy Zaparožskaj AES i vyklikaŭ ekałahičnuju katastrofu. Vada z vadaschovišča zataplaje harady i vioski, adbyvajecca evakuacyja. U vyniku padryvu damby Kachoŭskaj HES pačalisia prablemy z vadoj u Kryvym Rohu, Marhancy i Nikapali.
Uładzimir Zialenski padkreśliŭ, što ŭčynienaja rasijanami katastrofa na Kachoŭskaj HES nie spynić Ukrainu ŭ deakupacyi ŭłasnych terytoryj i nie pavialičyć šancy akupantaŭ zastacca na hetaj ziamli.
Čytajcie taksama:
Aleški pad vadoj i sotni ludziej na dachach. Jak ratujuć ludziej na zatoplenaj Chiersonščynie
ISW sprahnazavaŭ, jak padryŭ Kachoŭskaj HES paŭpłyvaje na ŭkrainski kontrnastup
