«Pa apieratyŭnaj situacyi: u siarednim pa pravabiarežžy vada trymajecca na adznacy 5,38 m, pa Chiersonie — 5,35 m. Užo bačym, što na 20 sm za noč vada spała. Papiarednie na siońniašniuju ranicu zatoplena 3 624 damy ŭ 32 nasielenych punktach Chiersonščyny. Na ranicu evakujavali 2 352 čałavieki. Ratujem i siabroŭ našych mienšych: evakujavana kala 550 žyvioł», — zajaviŭ kiraŭnik Chiersonščyny Alaksandr Prakudzin.
Jon zaklikaŭ usich, chto znachodzicca ŭ zonie padtapleńnia, vyjazdžać, a nie sprabavać pierasiedzieć, bo tak ludzi padviarhajuć siabie niebiaśpiecy. Jon zapeŭniŭ, što ŭłady dapamohuć z evakuacyjaj, raśsialeńniem i materyjalnaj dapamohaj.
«Usie słužby pracujuć kruhłasutkava, kožny trymaje svoj front i nichto nie skardzicca. Adzinaje, čaho nam nie chapaje, — heta tolki času. 24 hadzin u sutki mała, kab vyrašyć usie pytańni. Ale my stvaryli koł-centr 0 800 101 102, jaki apieratyŭna budzie prymać usie zvanki», — skazaŭ kiraŭnik vobłaści.
Čytajcie taksama:
Aleški pad vadoj i sotni ludziej na dachach. Jak ratujuć ludziej na zatoplenaj Chiersonščynie
ISW sprahnazavaŭ, jak padryŭ Kachoŭskaj HES paŭpłyvaje na ŭkrainski kontrnastup
