Ratavalnickaja mašyna. Fota: facebook.com/feuerwehrbiesen
Trahiedyja adbyłasia 4 červienia. Niadzielnym dniom u nievialikaj zatocy pad nazvaj Šładzicer-Bucht znachodzilisia sotni ludziej, bo było cudoŭnaje nadvorje.
Kala 14:30 adna z kupalščyc, 26-hadovaja ŭkrainka, paklikała na dapamohu. Ludzi vyciahnuli jaje na bierah. Akazaŭšysia ŭ biaśpiecy, žančyna paviedamiła, što była ŭ vadzie razam sa svaim siabram-biełarusam. Chłopiec chacieŭ navučyć jaje płavać, ale ŭ niejki momant sam pajšoŭ na dno.
Viertalot, jaki prybyŭ na miesca trahiedyi. Fota: facebook.com/feuerwehrbiesen
Ratavalniki chutka znajšli cieła mužčyny, padniali jaho z hłybini kala troch mietraŭ i pačali reanimacyjnyja mierapryjemstvy. Na vyratavalnym viertalocie prylacieŭ i doktar. Adnak, niahledziačy na ŭsie namahańni, biełarus nieŭzabavie pamior u balnicy.
Prakuratura pryniała rašeńnie pravieści aŭtapsiju, bo adnosna pryčyn, jakija vyklikali trahiedyju, jość sumnievy.
